రేప్ కేసులో ఇరుక్కున్న స్టార్ క్రికెటర్.. FIR నమోదు

దిశ, వెబ్‌డెస్క్ : పాకిస్థాన్ క్రికెట్‌లో మరో సంచలన ఘటన చోటుచేసుకుంది. పాక్ క్రికెటర్ యాసిర్ షా రేప్ కేసులో ఇరుక్కున్నాడు. లెగ్ స్పిన్నర్ యాసిర్​షాపై కేసు నమోదు అయినట్టు తెలుస్తోంది. వివరాల ప్రకారం.. బౌలర్ యాసిర్ తనను వేధించాడని ఓ బాలిక ఆరోపించింది. అనంతరం.. యాసిర్ స్నేహితుడు ఫర్హాన్ తనపై అత్యాచారం చేశాడని బాధితురాలు పోలీసులకు ఫిర్యాదు చేసింది.

ఇదిలా ఉండగా ఈ అత్యాచారం కేసులో పోలీసులకు ఫిర్యాదు చేయకుండా యాసిర్.. తనను బెదిరింపులకు గురి చేశాడని బాధితురాలు పోలీసుల వద్ద ఆవేదన వ్యక్తం చేసింది. ఫర్హాన్‌కు ఉన్నతాధికారులు చాలా మంది తెలుసని బెదిరించాడు. పోలీసులను సంప్రదించినప్పుడు యాసిర్​డబ్బులు ఇస్తానన్నాడని బాధితురాలు పేర్కొంది. దీంతో ఈ ఘటనపై FIR నమోదు చేసినట్టు పోలీసులు వెల్లడించారు.