అమెరికా వర్క్ వీసాలపై ఆంక్షల పొడిగింపు

వాషింగ్టన్: అమెరికా అధ్యక్షుడు డొనాల్డ్ ట్రంప్ వర్క్ వీసాలపై ఆంక్షలను మార్చి 31వ తేదీ వరకు పొడిగించారు. ఫలితంగా కొద్దికాలం పనిచేయడానికి అమెరికా వెళ్లే టెంపరరీ వర్కర్లకు చిక్కులు పొడిగించినట్టయింది. ఇమ్మిగ్రేషన్ ఆంక్షలనూ పొడిగించారు. దీంతో గ్రీన్ కార్డు దరఖాస్తుదారులపై ప్రభావం పడనుంది. ఈ ఆంక్షల గడువు డిసెంబర్ 31తో ముగియనుండటంతో మార్చి 31వ తేదీ వరకు పొడిగిస్తూ ట్రంప్ ప్రభుత్వం ఉత్తర్వులు జారీ చేసింది. కరోనాతో ఆర్థిక వ్యవస్థ కుదేలైన నేపథ్యంలో అమెరికా వర్కర్లను రక్షించడానికి ఈ నిర్ణయాలు అవసరమని అధ్యక్షుడు ట్రంప్ పేర్కొన్నారు. కాగా, అధ్యక్షుడిగా ఎన్నికైన జో బైడెన్ ఈ నిర్ణయాలను విమర్శించారు.