బిల్‌గేట్స్‌కు ఓ రూల్.. మనకో రూలా?

ఈ ఫైల్స్‌లో మైక్రోసాఫ్ట్ వ్యవస్థాపకుడు బిల్ గేట్స్ పేరు ఉండటం, ఆయన రష్యన్ మహిళలతో సంబంధాలు కలిగి ఉన్నట్లు ఆరోపణలు రావడం, దీనిపై ఆయన క్షమాపణలు చెప్పడం జరిగింది. అయితే ఇక్కడ ప్రశ్న ఒక్క వ్యక్తి గురించి మాత్రమే కాదు, ఇది సామాజిక న్యాయం, నైతికత మరియు చట్టం ముందు సమానత్వం గురించి.

ప్రపంచం దారి ఒకటైతే...

ప్రపంచ దేశాలు ఈ ఫైల్స్ వెల్లడైన తర్వాత ఎలా స్పందించాయి? యూరోపియన్ దేశాలలో తమ పేర్లు వెల్లడైన ప్రముఖులు స్వయంగా రాజీనామాలు చేసు కున్నారు. వారి కుటుంబ సభ్యులు, సమాజం, వారు పని చేస్తున్న సంస్థలు వారిని దూరం పెట్టాయి. ఇది చూపించేది ఒక్కటే - అమానవీయ చర్యలకు పాల్పడిన వారెంతటి ఉన్నత స్థానంలో ఉన్నా వారిని సమాజం నుండి బహిష్కరించాలన్న సామాజిక నిబద్ధత. ఇది కేవలం చట్టానికి సంబంధించిన విషయం మాత్రమే కాదు, అది మానవత్వానికి సంబంధించిన ప్రశ్న.

భారత్ వైఖరి ఏంటి?

ఈ నేపథ్యంలో భారతదేశం తీసుకున్న వైఖరి ఆలో చనీయం. దేశ రాజధాని ఢిల్లీలో జరుగుతున్న కృత్రిమ మేధపై శిఖరాగ్ర సదస్సుకు బిల్ గేట్స్‌ను ఆహ్వానించకూడదని నిర్ణయించడం సరైన దిశగా తీసుకున్న మంచి అడుగు.. ఎప్‌స్టీన్ ఫైల్స్ నేపథ్యంలో బాధితుల పక్షాన నిలబ డాలన్న ఉద్దేశంతో ఈ నిర్ణయం తీసుకున్నట్లు ప్రభుత్వ వర్గాలు వెల్లడించాయి. ఇది సానుకూలమైన చర్య. కానీ ప్రశ్న ఒక్కటే- ఇది సరిపోతుందా? భారతదేశం ఇంతటితో ఆగిపోవచ్చా?

గేట్స్ వద్దు కానీ కేంద్ర మంత్రి రావచ్చా?

వాస్తవానికి ప్రస్తుత కేంద్ర మంత్రి హర్దీప్ సింగ్ పురి పేరు కూడా ఎప్‌స్టీన్ ఫైల్స్‌లో ఉన్న విషయం తెలిసిందే. ఈ విషయం వెల్లడైన తర్వాత ఆయన ఎలాంటి చర్యలు తీసుకోలేదు ఎందుకు? ఆయన ఇంకా తన పదవిలో కొనసాగుతుండటం సిగ్గుచేటు.. ఇక్కడే మనం రెండు మార్గాలను చూడవచ్చు. బిల్ గేట్స్ విషయంలో బాధితుల పక్షాన నిలబడి ఆయనను సదస్సుకు ఆహ్వానించకూడదని నిర్ణయించిన భారత ప్రభుత్వం, తన సొంత మంత్రి విషయంలో ఎందుకు అలాంటి నిబద్ధత చూపించడం లేదు? ఇది ద్వంద్వ ప్రమాణం కాదా?

సమాజం కఠినంగా వ్యవహరించాలి..

చిన్న పిల్లలతో అమానుషంగా ప్రవర్తించిన వారి పట్ల సమాజం చూపించాల్సిన వైఖరి చాలా కఠినంగా ఉండాలి. అలాంటి నేరస్థులు ఎంతటి ఉన్నత స్థానంలో ఉన్నవారినైనా సరే ఉపేక్షించేది లేదు. వెంటనే ఆ పదవుల నుండి తప్పించాలి. వారి కుటుంబ సభ్యులు, సమాజం, వారు పనిచేస్తున్న సంస్థలు వారిని బహిష్కరించాలి. చట్టం వారి పై కఠిన చర్యలు తీసుకోవాలి. ఇది కేవలం ప్రతీకారం కోసం కాదు, ఇది సామాజిక న్యాయం కోసం, భవిష్యత్తులో ఇలాంటి నేరాలు పునరావృతం కాకుండా నిరోధించ డానికి, బాధితులకు న్యాయం చేయడానికి.

వాళ్లు రాజీనామా చేయాల్సిందే!

యూరోపియన్ దేశాలలో చూస్తున్నాం, అక్కడ తమ పేర్లు వెల్లడైన ప్రముఖులు స్వయంగా రాజీనామాలు చేసుకుంటున్నారు. ఎందుకంటే అక్కడ సామాజిక ఒత్తిడి, నైతిక బాధ్యత, చట్టపరమైన చర్యల భయం ఉన్నాయి. అక్కడి సమాజం ఇలాంటి నేరాలను క్షమించదు.. భారతదేశంలో కూడా ఇదే వైఖరి ఉండాలి. తమ పేర్లు ఎప్‌స్టీన్ ఫైల్స్‌లో ఉన్నవారు ఏ పార్టీకి చెందినవారైనా, ఎంతటి ఉన్నత స్థానంలో ఉన్నా - వెంటనే తమ పదవులకు రాజీనామా చేయాలి.. ఇది వారి వ్యక్తిగత నైతికతకు సంబంధించిన విషయం మాత్రమే కాదు, ఇది దేశం మొత్తం మీద నమ్మకానికి సంబంధించిన విషయం.

మనవారిపై విచారణ జరపాలి!

భారత ప్రభుత్వం కూడా ఈ విషయంలో స్పష్టమైన వైఖరి తీసుకోవాలి.. ఎప్‌స్టీన్ ఫైల్స్‌లో పేర్లు ఉన్న వారిపై స్వతంత్ర విచారణ జరపాలి. నిజమైన నేరస్థులను గుర్తించి వారిపై చట్టపరమైన చర్యలు తీసుకోవాలి. ఇది అంత ర్జాతీయ సమాజానికి భారతదేశం న్యాయం పట్ల, మానవత్వం పట్ల తనకున్న నిబద్ధతను చూపించే అవకాశం. బిల్ గేట్స్‌ను సదస్సుకు ఆహ్వానించకూడదన్న నిర్ణయం ఒక మంచి ప్రారంభం. కానీ ఇది ఆరంభం మాత్రమే. నిజమైన పరీక్ష మన దేశంలోనే ఉన్న వారి విషయంలో ఎలా వ్యవహరిస్తామన్నది. మనం మన సొంత వారి విషయంలో కూడా అదే నైతిక ప్రమాణాలను అన్వయించుకోగలమా? లేదంటే మనకు విదేశీయుల విషయంలో మాత్రమే నైతికత ఉంటుందా?

మన నైతికతకు పెద్ద సవాల్..

చివరగా, ఇది కేవలం కొంతమంది వ్యక్తుల గురించిన చర్చ మాత్రమే కాదు.. ఇది సమాజంగా మనం ఎలాంటి విలువలను కలిగి ఉన్నామనే ప్రశ్న. చిన్న పిల్లలతో అమాను షంగా ప్రవర్తించే వారిని మనం క్షమించగలమా? వారిని ఉన్నత పదవులలో కొనసాగనివ్వగలమా? ఇది మన సామాజిక నైతికతకు పెద్ద సవాల్. ఈ సవాల్‌ను ఎదుర్కొనే సమయం ఆసన్నమైంది. మన నిర్ణయాలు మన దేశం ముఖాన్ని ప్రపంచానికి చూపిస్తాయి. కాబట్టి సరైన నిర్ణయం తీసుకోవడం మనందరి బాధ్యత.

- డాక్టర్ కోలాహలం రామ్ కిశోర్

9849328496