ఖమ్మం జిల్లా యంత్రాంగం ప‌నితీరు భేష్‌

దిశ‌, ఖ‌మ్మం: క‌రోనా క‌ట్ట‌డిలో జిల్లా యంత్రాంగం తీసుకుంటున్న చ‌ర్య‌లు భేషుగ్గా ఉన్నాయని ఎమ్మెల్యే వ‌న‌మా వెంక‌టేశ్వ‌ర‌రావు కొనియాడారు. మంగ‌ళ‌వారం భ‌ద్రాద్రి కొత్త‌గూడెం క‌లెక్ట‌రేట్‌లో జ‌రిగిన స‌మీక్షా సమావేశంలో ఆయ‌న పాల్గొన్నారు. ఈ సంద‌ర్భంగా వ‌న‌మా మాట్లాడుతూ జిల్లాలో క‌రోనా వ్యాధి నియంత్ర‌ణ‌కు ప‌క‌డ్బందీగా చర్యలు తీసుకుంటున్నామన్నారు. మార్చి 24 నుంచి జిల్లాలో ఒక్క కేసు కూడా న‌మోదు కాలేదన్నారు. ఇదే స్ఫూర్తితో మే 3 వ‌ర‌కు అధికారులు ప‌నిచేయాల‌ని సూచించారు. క‌లెక్ట‌ర్ ఎంవీరెడ్డి మాట్లాడుతూ అధికారులంతా టీంవ‌ర్క్‌గా ప‌నిచేయ‌డంతోనే జిల్లాలో కరోనా వ్యాప్తిని నిరోధించ‌గ‌లిగామన్నారు.

Tags: mla vanama, review meeting, kothagudem collectarate, ts news