అనంత చతుర్దశి నాడే వినాయకుడి నిమజ్జనం ఎందుకు చేయాలి? దీని వెనుకున్న పురాణగాథ ఏంటి?

దిశ, వెబ్ డెస్క్ : దేశవ్యాప్తంగా వినాయక చవితి ఉత్సవాలు ఘనంగా జరుగుతున్నాయి. ఆగస్టు 27న గణపయ్యను ఆహ్వానించిన భక్తులు.. తమకు నచ్చినట్లుగా, దేవుడు మెచ్చేట్లుగా నైవేద్యాలు సమర్పించి ప్రసన్నం చేసుకుంటున్నారు. దాదాపు వినాయకుడికి గుడ్ బై చెప్పేసేందుకు దగ్గరయ్యారు. ఈ సమయంలో చాలా మందిలో గణనాథుడిని అనంత చతుర్దశి నాడే ఎందుకు నిమజ్జనం చేయాలనే ప్రశ్న మెదులుతుంది. ఈ క్రమంలో దీని వెనుకున్న పురాణగాథ గురించి వివరిస్తున్నారు నిపుణులు.

పురాణగాథ

వినాయకుడు విశ్రాంతి లేకుండా వరుసగా పది రోజులు మహాభారతాన్ని రచిస్తాడు. దీని కారణంగా ఆయన శరీర ఉష్ణోగ్రత బాగా పెరుగుతుంది. కాగా ఈ ఉష్ణోగ్రతను తగ్గించేందుకు వేద వ్యాసుడు నీటిలో స్నానం చేయమని కోరుతాడు. అది అనంత చతుర్దశి రోజున జరిగింది. అందుకే ఈ పర్వదినాన గణేషుడిని చల్లబరిచేందుకు నిమజ్జనం చేయడం సంప్రదాయంగా వస్తోంది. పది రోజులు భక్తుల సేవలందుకుని.. 11వరోజున గంగమ్మ ఒడికి చేరుతాడు.