నల్లమలలో గంజాయి మొక్కల సాగు.. పోలీసుల స్ట్రాంగ్ వార్నింగ్

దిశ, అచ్చంపేట : నాగర్‎కర్నూల్ జిల్లా అచ్చంపేట నియోజకవర్గ పరిధిలో గల పదర మండలంలో ఓ రైతు మిరప పంటలో అంతర్గతంగా గంజాయి మొక్కలు సాగు చేస్తున్నాడని విశ్వసనీయ సమాచారం అందింది. ఈ విషయం పోలీసుల దృష్టికి రావడంతో పదర ఎస్సై సురేష్ కుమార్ ఆకస్మిక దాడులు నిర్వహించారు. ఈ సందర్భంగా ఆయన మాట్లాడుతూ… శుక్రవారం విశ్వసనీయ సమాచారం మేరకు సిబ్బందితో మారడుగు ఆమ్లెట్ గ్రామమైన మోర్సు తండా దాడులు చేశామన్నారు. ఈ నేపథ్యంలోనే దేశవత్ కిషన్ ( 55 ) అనే వ్యక్తి తన మిర్చి పంటలో గంజాయి సాగు చేస్తున్నాడని తెలిపారు. దాదాపుగా 70 గంజాయి మొక్కలను గుర్తించి.. స్వాధీనం చేసుకున్నామన్నారు. సదరు వ్యక్తిపై కేసు నమోదు చేశామని తెలిపారు. గంజాయి సాగు చేస్తే కఠిన చర్యలు తీసుకుంటామని హెచ్చరించారు.