షాకింగ్ ఘటన.. ప్రేయసి సోదరుడి స్నేహితుల దాడిలో యువకుడు మృతి
ఉత్తరప్రదేశ్లోని కాన్పూర్లో షాకింగ్ ఘటన చోటుచేసుకుంది. ప్రేయసి సోదరుడు, అతని స్నేహితులు కలిసి ఒక యువకుడిపై దాడి చేయడంతో అతడు అక్కడికక్కడే మరణించాడు.
దిశ, వెబ్డెస్క్: ఉత్తరప్రదేశ్లోని కాన్పూర్లో షాకింగ్ ఘటన చోటుచేసుకుంది. ప్రేయసి సోదరుడు, అతని స్నేహితులు కలిసి ఒక యువకుడిపై దాడి చేయడంతో అతడు అక్కడికక్కడే మరణించాడు. ఈ ఘటన శుక్రవారం అర్ధరాత్రి గోపాలా టవర్ ప్రాంతంలో జరిగింది. కాన్పూర్ అదనపు డీసీపీ (ADCP) కపిల్దేవ్ సింగ్ వివరాల ప్రకారం, “మధ్య రాత్రి సమయంలో ఇద్దరు యువకులు ఇంధనం అయిపోయిన వాహనాన్ని వదిలి నడుచుకుంటూ వెళ్తున్నారు. ఆ సమయంలో ఎదురుగా వచ్చిన ఇద్దరు బైక్లపై నలుగురు వ్యక్తులు వారిపై దాడి చేశారు.
సీసీటీవీ ఫుటేజ్లో మొత్తం ఘటన రికార్డు అయింది,” అని తెలిపారు. ఆ దాడిలో ఒక యువకుడు తీవ్రంగా గాయపడి మృతి చెందగా, మరొకరు గాయాలతో బయటపడ్డారు. ప్రధాన నిందితుడిని పోలీసులు అదుపులోకి తీసుకున్నారు. మిగిలిన ముగ్గురి కోసం గాలింపు కొనసాగుతోంది. ఘటన వెనుక ప్రేమ వ్యవహారమే కారణమనే అనుమానంతో పోలీసులు దర్యాప్తు ప్రారంభించారు. ఈ మేరకు నిందితులను విచారించగా మృతుని ప్రేయసి సోదరుడు ప్లాన్ ప్రకారమే ఈ దాడికి పాల్పడినట్లు గుర్తించారు.
- Tags
- crime
