నాలుగేళ్ల బాలుడిపై దాడి చేసిన వీధి కుక్కలు..

దిశ, వెబ్ డెస్క్: గుజరాత్‌లో విషాద ఘటన చోటుచేసుకుంది. ఇంటి ముందు ఆడుకుంటున్న బాలుడిని వీధి కుక్కలు తీసుకెళ్లి దాడి చేశాయి. వివరాల్లోకి వెళితే.. గుజరాత్‌లోని సూరత్‌ సమీపంలో ఓ కుటుంబం సొంతూరును వదిలి కూలి పనుల కోసం వచ్చి అక్కడే నివాసం ఉంటున్నారు. అయితే బుధవారం నాలుగేళ్ల బాలుడు గుడిసె ముందు ఆడుకుంటుండగా వీధి కుక్కలు వచ్చి బాలుడిని ఎత్తుకెళ్లి దాడి చేశాయి. అది గమనించిన తల్లిదండ్రులు కుక్కలను తరిమి బాలుడిని ఆసుపత్రికి తరలించారు. అప్పటికే చిన్నారి మృతి చెందినట్లు వైద్యులు తెలిపారు. దీంతో బాలుడి తల్లిదండ్రులు కన్నీరుమున్నీరవుతున్నారు.