US స్కూల్‌లో కాల్పుల కలకలం.. ముగ్గురు పిల్లలు సహా ఆరుగురు మృతి

దిశ, వెబ్‌డెస్క్: ఆగ్రరాజ్యం అమెరికాలో మరోసారి కాల్పులు కలకలం సృష్టించాయి. సోమవారం ఉదయం టేనస్సీలోని ఓ ప్రైవేటు పాఠశాలలో దుండగులు కాల్పులకు తెగబడ్డారు. ఈ కాల్పుల్లో ఆరుగురు మృతి చెందారు. కాగా ఇందులో ముగ్గురు పిల్లలు, ముగ్గురు పెద్దలు ఉన్నట్లు అధికారులు తెలిపారు. కాగా కాల్పులకు తెగబడిన దుండగుడిని పోలీసులు కాల్చి చంపినట్లు తెలుస్తుంది. ఈ ఘోర కాల్పులకు పాల్పడిన వ్యక్తి వద్ద కనీసం రెండు సెమీ ఆటోమేటిక్ రైఫిళ్లు, ఒక తుపాకీ ఉన్నట్లు పోలీసులు తెలిపారు.