మోస్ట్ వాంటెడ్ డాన్, దావూద్ సహచరుడు డానిష్ అరెస్ట్

దిశ, వెబ్ డెస్క్: ముంబై నార్కోటిక్స్ కంట్రోల్ బ్యూరో (NCB) డ్రగ్ కేసులో పరారీలో ఉన్న అండర్‌వరల్డ్ డాన్ దావూద్ ఇబ్రహీం సహచరుడు డానిష్ మర్చంట్, అలియాస్ డానిష్ చిక్నాను గోవాలో అరెస్టు చేసింది. దేశవ్యాప్తంగా నార్కోటిక్స్ చట్టవ్యతిరేక రవాణాపై జరుగుతున్న విస్తృత దర్యాప్తులో భాగంగా ఈ చర్య చేపట్టినట్లు అధికారులు వెల్లడించారు. MD డ్రగ్ కేసుతో సంబంధం ఉన్న ప్రధాన నిందితుడిగా డానిష్ చిక్నా ఉన్నాడు. అతను కొంతకాలంగా ముంబై NCBకి దొరకకుండా పరారీలో తిరుగుతున్నాడు.

దావూద్ ఇబ్రహీం గ్యాంగ్ తరఫున డ్రగ్ రవాణా నెట్‌వర్క్‌ (Drug trafficking network)ను నిర్వహిస్తున్న కీలక వ్యక్తిగా డానిష్ చిక్నా వ్యవహరించినట్లు NCB అధికారులు తెలిపారు. అతనిని అరెస్టు చేసిన తర్వాత మరికొంత మందిపై దర్యాప్తు కొనసాగుతోందని, ఈ చర్యతో అంతర్జాతీయ స్థాయి డ్రగ్ మాఫియాపై NCBకు కీలక ఆధారాలు లభించే అవకాశం ఉందని సమాచారం. ఈ కేసులో సంబంధిత లింకులు, ఆర్థిక లావాదేవీలపై కూడా విచారణ ప్రారంభించినట్లు NCB వర్గాలు వెల్లడించాయి.