అనుమానస్పద స్థితిలో యువతి అదృశ్యం..
దిశ, బడంగ్పేట్: బంధువుల ఇంటికి వెళ్ళి వచ్చే సరికి చిన్న కూతురు అనుమానస్పద స్థితిలో అదృశ్యమయిన ఘటన పహాడిషరీఫ్ పోలీస్స్టేషన్ పరిధిలో జరిగింది. పహాడిషరీఫ్ పోలీసులు తెలిపిన వివరాల ప్రకారం.. బాలాపూర్ మండలం జల్పల్లి విలేజ్ వాదియే ముస్తఫాకు చెందిన రజియాబేగం, దివంగత మంజూర్ హుస్సేన్ లు దంపతులు. వీరికి హీనా బేగం(22), ఇలియాజ్ హుస్సేన్లు సంతానం. ఇంటర్మీడియెట్ వరకు చదివిన హీనా బేగం ప్రస్తుతం ఇంట్లోనే ఉంటుంది.
ఈ నెల 30వ తేదీన రాత్రి 11గంటలకు రజియాబేగం చిన్న కుమారుడు ఇలియాజ్ హుస్సేన్తో కలిసి బండ్లగూడలోని బంధువుల ఇంటికి వెళ్లి తిరిగి వచ్చే సరికి ఇంట్లో ఉన్న హీనా బేగం కనిపించకుండా పోయింది. ఆమె ఆచూకీ కోసం చుట్టు పక్కల బంధువుల ఇండ్లలో వెతికినప్పటికీ ప్రయోజనం కనిపించకపోవడంతో తల్లి రజియా బేగం పహాడిషరీప్ పోలీస్స్టేషన్ లో ఫిర్యాదు చేసింది. ఆమె ఇచ్చిన ఫిర్యాదు మేరకు పహాడిషరీఫ్ పోలీసులు కేసును నమోదు చేసుకుని దర్యాప్తు చేస్తున్నారు.
