Hyderabad : హైదరాబాద్ లో దారుణం.. బాల్ కోసం వెళ్ళి వ్యక్తి మృతి

దిశ, వెబ్ డెస్క్ : హైదరాబాద్(Hyderabad) లో దారుణ ఘటన చోటు చేసుకుంది. బాల్ కోసం వెళ్ళిన వ్యక్తి మీద లిఫ్ట్(Lift Accident) పడటంతో ప్రాణాలు విడిచాడు. మేడ్చల్ లోని సూరారంలో మణికంఠ రెసిడెన్సీలో ఈ ప్రమాదం చోటు చేసుకుంది. అక్బర్ పాటిల్ అనే వ్యక్తి అపార్ట్మెంట్ లిఫ్ట్ గుంతలో పడిన బాల్ తీసేందుకు తల పెట్టాడు. ఈ క్రమంలో పైనుంచి ఒక్కసారిగా లిఫ్ట్ కింద పడగా.. తల పగిలి అక్కడిక్కడే అక్బర్ మృతి చెందాడు. సమాచారం అందుకున్న పోలీసులు ఘటనా స్థలానికి చేరుకొని, కేసు నమోదు చేసుకొని దర్యాప్తు చేస్తున్నారు.