Breaking News .. బంజారాహిల్స్ రోడ్ నెంబర్-3లో ఘోర ప్రమాదం..
దిశ, డైనమిక్ బ్యూరో : కొత్త సంవత్సరం ప్రారంభంలోనే నగరంలో విషాదన ఘటన చోటుచేసుకుంది. బంజారాహిల్స్ రోడ్ నంబర్3లో ఓ కారు బీభత్సం సృష్టించింది. జూబ్లీహిల్స్ చెక్పోస్ట్ నుంచి పంజాగుట్ట వైపు వెళ్తున్న మారుతి కారు..రాయల్ టిఫిన్ సెంటర్ వద్ద అదుపు తప్పి డివైడర్ను ఢీ కొట్టింది. దీంతో, కారు కంట్రోల్ తప్పి తప్పుడు దోవలో వెళ్లగా...రోడ్డుపై నడుచుకుంటూ వెళ్తున్న ఇద్దరిని బలంగా ఢీకొట్టింది. ఆపై అక్కడ నిలిపి ఉన్న మరో రెండు కార్లను వెనుక నుంచి ఢీకొట్టి ఆగిపోయింది. ఈ ఘటనలో ఇద్దరు మృతి చెందారు. ప్రమాదానికి కారణమైన కారులో మరో ఇద్దరు గాయపడ్డారు. ఈ ప్రమాదంలో ఇద్దరు పాదాచారులు (ఒక మహిళ) మృతి చెందారు. మృతులను భీమవరంకు చెందిన ఈశ్వరి, రావుల పాలెంకు చెందిన శ్రీనివాస్‌గా పోలీసులు గుర్తించారు.
ఇంద్రనగర్‌లో నివాసం ఉంటున్న ఈశ్వరి ఇళ్లలో చిన్నపాటి పనులు చేసుకుంటూ ఉపాధి పొందుతుంది. ఈ ఘటనలో మరో ఇద్దరికి గాయాలయ్యాయి. కార్ నడిపిన ఇద్దరు మణిపాల్ యూనివర్సిటీకి చెందిన ఇంజనీరింగ్ విద్యార్థులుగా పోలీస్‌లు గుర్తించారు. ఈ విషయం తెలుసుకున్న పోలీసులు ఘటనా స్థలానికి చేరుకుని మృతదేహాలను ఉస్మానియా ఆసుపత్రికి తరలించారు. ప్రమాదానికి కారణమైన కారు డ్రైవర్ను అదుపులోకి తీసుకున్నారు. ఈ మేరకు కేసు నమోదు చేసి దర్యాప్తు చేస్తున్నారు. కాగా న్యూఇయర్ వేడుకల సందర్భంగా నిందితులు మద్యం సేవించి వాహనం నడిపినట్లు పోలీసులు గుర్తించారు. మృతుల వివరాలు సేకరిస్తున్నారు.
