కడుపునొప్పి భరించలేక యువకుడు ఆత్మహత్య

దిశ, హన్వాడ : కడుపునొప్పి భరించలేక యువకుడు ఆత్మహత్య చేసుకున్న ఘటన హన్వాడ పోలీస్ స్టేషన్ పరిధిలో చోటు చేసుకుంది. ఎస్సై వెంకటేష్ తెలిపిన వివరాల ప్ర‌కారం.. హన్వాడ మండలం పెద్ద దర్పల్లి గ్రామానికి చెందిన బోయిని శివరాజు ( 30 ) గత సంవత్సర కాలంగా కడుపునొప్పితో బాధపడుతూన్నాడు. ఈ నెల 12న తెల్లవారు జామున కడుపునొప్పి తీవ్రంగా రావడంతో ఆ నొప్పిని భరించలేక ఇంట్లో ఓ గదిలోకి వెళ్లి ఉరివేసుకుని ఆత్మహత్య చేసుకున్నాడు. కుటుంబసభ్యులు గమనించి మహబూబ్ నగర్ ప్రభుత్వ ఆస్పత్రికి తరలించగా.. అప్పటికే మృతి చెందినట్లు డాక్టర్లు నిర్ధారించారు. మృతుడి సోదరుడు బోయిని కృష్ణయ్య ఫిర్యాదు మేరకు కేసు నమోదు చేసినట్టు ఎస్సై వెంకటేష్ తెలిపారు.