మెదక్ జిల్లాలో దారుణం.. ఏడేళ్ల చిన్నారిపై కుక్కల దాడి

దిశ, వెబ్ డెస్క్: మెదక్ జిల్లాలో దారుణం జరిగింది. ఇంటి ముందు ఆడుకుంటున్న ఓ ఏడేళ్ల చిన్నారిపై కుక్కలు దాడి చేశాయి. దీంతో బాలిక తలకు తీవ్ర గాయాలయ్యాయి. మెరుగైన వైద్యం కోసం బాలికను హైదరాబాద్ లోని ఓ ప్రైవేట్ ఆసుపత్రికి తరలించారు. కాగా కొన్ని రోజుల కిందట హైదరాబాద్ కుక్కల దాడిలో ఓ నాలుగేళ్ల బాలుడు దుర్మరణం పాలైన విషయం తెలిసిందే. ఇక రాష్ట్రంలోని పలు చోట్ల కుక్కలు స్థానికులపై దాడులకు పాల్పడుతున్నాయి. ప్రభుత్వం సరైన చర్యలు తీసుకోకపోవడం వల్లే ఇలాంటి ఘటనలు జరుగుతున్నాయని ప్రజలు ఆరోపిస్తున్నారు.