Woman T20 World Cup: హర్మన్‌ప్రీత్ మెరుపులు.. ఆస్ట్రేలియా ముందు భారీ టార్గెట్!

దిశ, డైనమిక్ బ్యూరో: లండన్ వేదికగా మహిళల టీ20 ప్రపంచకప్‌లో భాగంగా సెమీస్ చేరాలంటే కచ్చితంగా గెలవాల్సిన కీలక మ్యాచ్‌లో భారత బ్యాటర్లు సత్తా చాటారు. టాస్ గెలిచి ముందుగా బ్యాటింగ్‌కు దిగిన టీమిండియా.. ఆస్ట్రేలియా ముందు 171 పరుగుల భారీ లక్ష్యాన్ని ఉంచింది. నిర్ణీత 20 ఓవర్లలో 4 వికెట్ల నష్టానికి 170 పరుగులు సాధించింది. కెప్టెన్ హర్మన్‌ప్రీత్ కౌర్ మెరుపు హాఫ్ సెంచరీతో చెలరేగింది.

ఓపెనర్ల శుభారంభం..

ముందుగా బ్యాటింగ్‌కు దిగిన భారత్‌కు ఓపెనర్లు స్మృతి మంధాన (38; 37 బంతుల్లో 6 ఫోర్లు), షెఫాలి వర్మ (34; 26 బంతుల్లో 3 ఫోర్లు, 2 సిక్స్‌లు) తొలి వికెట్‌కు 66 పరుగుల భాగస్వామ్యంతో శుభారంభం అందించారు. ధాటిగా ఆడుతున్న షెఫాలిని 10వ ఓవర్లో ఆసీస్ కెప్టెన్ సోఫీ మోలినెక్స్ బౌల్డ్ చేయగా, కొద్దిసేపటికే సమన్వయ లోపంతో మంధాన రనౌట్ అయింది.

హర్మన్ సిక్సర్ల మోత..

రెండు కీలక వికెట్లు కోల్పోయిన దశలో క్రీజులోకి వచ్చిన జెమీమా రోడ్రిగ్స్ (34 రిటైర్డ్ ఔట్; 28 బంతుల్లో), కెప్టెన్ హర్మన్‌ప్రీత్ కౌర్‌ (56; 27 బంతుల్లో 6 ఫోర్లు, 3 సిక్స్‌లు)తో కలిసి ఇన్నింగ్స్‌ను చక్కదిద్దింది. కుదురుకున్న తర్వాత హర్మన్‌ప్రీత్ గేర్ మార్చింది. ఆఖరి ఓవర్లో వరుసగా మూడు సిక్సర్లు బాది కేవలం 25 బంతుల్లోనే తన అర్ధశతకాన్ని పూర్తి చేసుకుంది. ఆ తర్వాతి బంతికే ఆమె అవుటైనప్పటికీ, అప్పటికే భారత్‌కు భారీ స్కోరును అందించింది.