సీపీ సజ్జనార్ సార్ మీరు గ్రేట్.. నెటిజన్ల ప్రశంసలు

దిశ, కూకట్‌పల్లి : కేపీహెచ్‌పీ పోలీస్ స్టేషన్ పరిధిలో డ్రంక్ అండ్ డ్రైవ్ తనిఖీల సందర్భంగా కారు ఢీకొట్టడంతో తీవ్ర గాయాల పాలై ఆసుపత్రిలో చికిత్స పొందుతూ మృతి చెందిన ఏఎస్సై మహిపాల్ రెడ్డి అంత్యక్రియలు అధికారిక లాంఛనాలతో బుధవారం జరిగాయి. బండ్లగూడ జాగీర్, కిస్మత్ పూర్లోని మహిపాల్ రెడ్డి నివాసం వద్ద ఆయన కుటుంబ సభ్యులను సైబరాబాద్ సీపీ సజ్జనార్ పరామర్మించారు.

అనంతరం మహిపాల్ రెడ్డి అంత్యక్రియలను అధికారిక లాంఛనాలతో నిర్వహించారు. ఈ సందర్భంగా సీపీ సజ్జనార్ స్వయంగా మహిపాల్ రెడ్డి అంత్యక్రియలలో పాల్గొని పాడే మోశారు. ఈ సందర్భంగా ప్రభుత్వం నుంచి రావలసిన అన్ని బెన్ఫిట్స్.. మహిపాల్ రెడ్డి కుటుంబ సభ్యులకు అందేలా చర్యలు తీసుకుంటానని హామీ ఇచ్చారు. ఇదిలా ఉండగా మహిపాల్ రెడ్డి కుటుంబ సభ్యులు మహిపాల్ రెడ్డి అవయవాలను జీవన్ దాన్‌కు దానం చేశారు.