యాదాద్రి జిల్లాలో గర్భిణికి కరోనా

దిశ, నల్లగొండ: కరోనా మహమ్మారి ఏ రూపంలో ఎవరి దరి చేరుతుందో తెలియడంలేదు. చిన్నా, పెద్దా అనే తేడా లేకుండా చాలామంది ఇప్పటికే ఆ మహమ్మారి కోరలకు చిక్కి చికిత్స పొందుతున్నారు. అందులో కొంతమంది మృతిచెందగా, మిగతావాళ్లు చికిత్స పొంది మెల్లమెల్లగా కోలుకుంటున్నారు. ఆఖరికి గర్భిణులను కూడా ఈ భయంకరమైన భూతం ఇబ్బందులకు గురి చేస్తోన్నది. తాజాగా యాదాద్రి-భువనగిరి జిల్లా సంస్థాన్ నారాయణపురం మండలం జనగాం గ్రామానికి చెందిన ఓ వలస కూలీ అయిన గర్భిణికి కరోనా పాజిటివ్‌గా తేలింది. ఈ మేరకు అధికారులు ధృవీకరించారు. ప్రస్తుతం ఏడు నెలల గర్భిణి అయిన సదరు మహిళ.. కుటుంబ సభ్యులతో కలిసి రెండు రోజుల క్రితం స్వచ్ఛందంగా బీబీనగర్ ఎయిమ్స్ లోని క్వారంటైన్ కేంద్రానికి వెళ్లారు. వారికీ వైద్య పరీక్షలు నిర్వహించగా, పాజిటివ్‌గా నిర్ధారణ అయ్యింది.