పాతబస్తీలో రెండు గ్రూపుల మధ్య స్ట్రీట్ వార్.. షాకైన పోలీసులు

దిశ, వెబ్‌డెస్క్ : పాతబస్తీలో యువకులు రెచ్చిపోయారు. కొందరు యువకులు రెండు గ్రూపులుగా విడిపోయి ఒకరిపై ఒకరు దాడికి పాల్పడ్డారు. ఈ ఘటన పాతబస్తీ డబీర్‌పురా పోలీస్ స్టేషన్ పరిధిలో చోటుచేసుకుంది. వివరాల ప్రకారం.. ఓ చిన్న విషయంలో మొదలైన వాగ్వాదం చివరకు ఘర్షణకు దారి చేసింది. ఈ క్రమంలో అద్నాన్, వాడి గ్యాంగ్‌ల మధ్య పరస్పర దాడులు జరిగాయి. అజీబ్, ముజీబ్, కమ్రాన్‌లతో పాటు మరికొంత మంది చేసిన దాడిలో అద్నాన్, అతడి గ్యాంగ్ తీవ్రంగా గాయపడ్డారు. ఈ దాడి ఘటన స్థానికంగా ఉన్నా ఓ సీసీ కెమెరాలో రికార్డు అయింది. దాడిలో గాయపడిన అద్నాన్ ఆరోగ్య పరిస్థితి విషమంగా ఉన్నట్టు సమాచారం. మిగిలిన వారు ఆసుపత్రిలో చికిత్స పొందుతున్నారు. ఈ దాడి ఘటనపై బాధితుల ఫిర్యాదు మేరకు కేసు నమోదు చేసుకుని దర్యాప్తు చేపట్టినట్టు పోలీసులు తెలిపారు.