రూ .5 లక్షల ఎక్స్ గ్రేషియా ప్రకటించిన సీఎం జగన్

దిశ, వెబ్ డెస్క్: జగ్గయ్యపేట మండలం వేదాద్రి గ్రామ సమీపంలో బుధవారం జరిగిన రోడ్డు ప్రమాదంలో మృతి చెందిన వారి కుటుంబాలకు ఏపీ సీఎం జగన్ రూ. 5 లక్షల ఎక్స్ గ్రేషియా ప్రకటించారు. ఈ విషయాన్ని జగ్గయ్యపేట ఎమ్మెల్యే సామినేని ఉదయభాను తెలిపారు. ఈ ప్రమాదంలో మొత్తం 12 మంది మృతిచెందగా.. అందులో తెలంగాణ వారు 9 మంది, ఆంధ్రప్రదేశ్ కు చెందినవారు ముగ్గురు ఉన్నారు. వీరందరికీ కూడా ఎక్స్ గ్రేషియా వర్తిస్తుందని ఆమె పేర్కొన్నారు. అదేవిధంగా ఇప్పటికే తెలంగాణ ప్రభుత్వం మృతి చెందిన బాధితులకు ఒక్కొక్కరికి రూ. 2 లక్షల ఎక్స్ గ్రేషియా ప్రకటించిన విషయం తెలిసిందే.