‘వైఫ్’ గ్రాండ్ లాంచ్

దిశ, సినిమా : అధిరా టాకీస్ బ్యానర్ పై 100కు పైగా సినిమాలకు పని చేసిన సినిటారియ మీడియా వర్క్స్ సపోర్టుతో శ్రీనివాస్ (బుజ్జి) దర్శకత్వంలో వస్తున్న సినిమా ‘వైఫ్’. నరేన్ తేజ్, సుహాన జంటగా నటిస్తున్న సినిమా టైటిల్, ఫస్ట్ లుక్ రివీల్ చేశారు మేకర్స్. ఈ కార్యక్రమానికి ముఖ్య అతిథిగా హాజరైన ప్రముఖ దర్శకుడు చంద్ర మహేష్.. ‘అందరికి నమస్కారం. ఈ రోజు ‘వైఫ్’ చిత్ర టైటిల్, ఫస్ట్ లుక్ లాంచ్ కార్యక్రమానికి నన్ను ఆహ్వానించిన చిత్ర బృందానికి ధన్యవాదాలు. ఇప్పటికే మీడియా వారి సపోర్ట్ చూస్తుంటే సినిమా మంచి విజయం సాధిస్తుందని అర్థమవుతుంది. ఈ చిత్రానికి సపోర్ట్‌గా నిలిచిన సినిటారియ మీడియా వర్క్స్ వెంకట్ గారు మరింత బలాన్ని అందిస్తారు. మ్యూజిక్ పరంగా కూడా మంచి సపోర్టు లభిస్తుంది. అటు భర్తకు ఇటు కుటుంబానికి బలంగా, పునాదిలా నిలబడే వైఫ్ టైటిల్ బాగుంది’ అని తెలిపారు. కార్యక్రమానికి డైరెక్టర్ సముద్ర, నిర్మాత రామ సత్యనారాయణ, దర్శకుడు శ్రీనివాస్(బుజ్జి), సినిటారియ మీడియా వర్క్స్ సిఈఓ వెంకట్, హీరోయిన్ సుహాన, హీరో నరేన్ తేజ్ తదితరులు హాజరయ్యారు. ఇక ఈ చిత్రానికి మురళీ కృష్ణ వర్మ సినిమాటోగ్రాఫర్‌‌గా, నందమూరి హరి ఎడిటింగ్ బాధ్యతలు నిర్వహించగా.. సత్య కాశ్యప్ సంగీతాన్ని అందించారు.