బోల్డ్ సీన్స్ చేయడంలో మగవాళ్లకు లేని రూల్స్ మాకెందుకు.. త్రిప్తి డిమ్రి సెన్సేషనల్ కామెంట్స్

దిశ, సినిమా: బాలీవుడ్ యంగ్ హీరోయిన్ త్రిప్తి డిమ్రి ‘యానిమల్’ సినిమాతో ఇండస్ట్రీకి వచ్చి మొదటి ప్రాజెక్ట్‌తోనే హిట్ అందుకుంది. దీంతో అమ్మడు క్రేజ్ భారీగా పెరగడంతో పాటుగా వరుస అవకాశాలు క్యూ కట్టాయనడంలో అతిశయోక్తి లేదు. ఇక ఇందులో రణ్‌బీర్ కపూర్‌ ప్రియురాలు జోయాగా నటించిన త్రిప్తి తన అందచందాలతో, బోల్డ్ సీన్స్‌లో నటించిన ఆమెకు ఫుల్ ఫేమ్ వచ్చింది. కానీ కొందరు విమర్శలు కూడా చేశారు. అయినప్పటికీ త్రిప్తి అవన్నీ పట్టించుకోకుండా.. తన పని తాను చేసుకుంటూ ముందుకు సాగుతోంది. ప్రస్తుతం పాన్ ఇండియా స్టార్ ప్రభాస్ ‘స్పిరిట్’లో నటిస్తోంది. సందీప్ రెడ్డి వంగా దర్శకత్వంలో రాబోతున్న ఈ మూవీ షూటింగ్ శరవేగంగా జరుగుతుండగా.. త్రిప్తి ఫుల్ బిజీగా ఉంది. అయినప్పటికీ నిత్యం పలు ఇంటర్వ్యూల్లో పాల్గొంటోంది. తాజాగా, త్రిప్తి ‘యానిమల్’ సమయంలో తనపై వచ్చిన విమర్శలను ఖండిస్తూ.. షాకింగ్ కామెంట్స్ చేసింది. "మహిళలను సమాజంలో ఎలాగైనా జడ్జ్ చేస్తారు. నువ్వు ఏం చేసినా సరే, జనాలు ఏదో ఒకటి అంటూనే ఉంటారు. నువ్వు చేసే పని వల్ల సగం మంది సంతోషపడితే, ఇంకో సగం మంది నీపై కోపంగా ఉంటారు.

ఇది ఇలా సాగుతూనే ఉంటుంది, దీని గురించి మనం చేయగలిగింది ఏమీ లేదు. అందుకే మనం ఏ పని చేసినా సరే.. పూర్తి నిజాయితీతో చేయాలి. నేను చేసే ప్రతి పనిలో నా 200 శాతం కష్టాన్ని పెడతాను" అని చెప్పుకొచ్చింది. అలాగే తనపై వస్తున్న విమర్శలపై మాట్లాడుతూ.. "సినిమాల్లో ఒక స్టార్ హీరో బోల్డ్ క్యారెక్టర్ చేసినప్పుడు, ఇంటిమేట్ సీన్స్ చేసినప్పుడు ప్రేక్షకులు చప్పట్లు కొడతారు. కానీ ఒక మహిళా నటి అదే పని చేస్తే ఎందుకు అంత ఈజీగా జడ్జ్ చేస్తారు. బోల్డ్ సీన్స్ చేయడంలో వారికి లేని రూల్స్ మాకెందుకో నాకు అర్ధం కాదు. అందుకే ఎవరేమన్నా మన గురించి మనం చూసుకోవాలి.. మాట్లాడేవాళ్లు మాట్లాడుకుంటూనే ఉంటారు. ఎందుకంటే నేను ఏ ఉద్దేశంతో ఆ పని చేశానో అవతలి వాళ్లకి తెలియదు కదా! కొన్ని రోజులు ఈ అనవసరపు మాటలను మనం పట్టించుకోకుండా వదిలేయగలం, కానీ కొన్ని రోజులు అవి మనల్ని బాగా కుంగదీస్తాయి. ఇదంతా జీవితంలో ఎదిగే క్రమంలో ఒక భాగమే. ఆ మాటలు నన్ను కొంచెం బాధించినా.. నేను ఆ పెయిన్‌ను నా యాక్టింగ్‌లో చూపిస్తాను" అని ఎమోషనల్ అయింది.