షేర్ ఎప్పుడు వస్తే అప్పుడు ధమాకా స్టార్ట్ అవుతుంది.. ది ప్యారడైజ్‌ నుంచి క్రేజీ అప్డేట్

దిశ, వెబ్‌డెస్క్: నాచురల్ స్టార్ నాని(Nani) ప్రస్తుతం వరుస సినిమాలను లైన్‌లో పెట్టాడు. ఇందులో భాగంగా ఆయన ప్రజెంట్ నటిస్తున్న పాన్ ఇండియా మూవీ ‘ది ప్యారడైజ్’(The Paradise). శ్రీకాంత్ ఓదెల(Srikanth Odela) డైరెక్ట్ చేస్తున్న ఈ చిత్రాన్ని ఎస్‌ఎల్‌వి సినిమాస్ బ్యానర్ పై సుధాకర్ చెరుకూరి(Sudhakar Cherukuri) ప్రొడ్యూస్ చేస్తున్నారు. అయితే ఈ సినిమాలో కయాదు లోహార్ హీరోయిన్‌గా నటిస్తుండగా.. మోహన్ బాబు కీరోల్ ప్లే చేస్తున్నారు.

ఇక ఇప్పటికే ఈ సినిమా నుంచి వచ్చిన అప్డేట్స్ అన్నీ ఆకట్టుకోగా ఈ మూవీ కోసం అభిమానులు ఎగ్జైటెడ్‌గా ఎదురు చూస్తున్నారు. అయితే తాజాగా ఈ మూవీ మేకర్స్ ఓ క్రేజీ అప్డేట్ ఇచ్చారు. ఈ మేరకు ఎక్స్ వేదికగా.. ‘సింహం వచ్చింది.. ఎప్పుడైతే షేర్ వస్తుందో అప్పుడు ధమాకా స్టార్ట్ అవుతుంది.. నేచురల్ స్టార్ నాని భారీ ఎత్తుగడలు, అండ్ అనిరుధ్ భారీ సంగీతం, శ్రీకాంత్ ఓదెల దృష్టి.. అన్నీ కలగలిపి ది ప్యారడైజ్ ఫస్ట్ సింగిల్ రాబోతుంది.. వేచి ఉండండి’ అని రాసుకొచ్చారు. ప్రస్తుతం ఈ పోస్ట్ సోషల్ మీడియాలో వైరల్‌గా మారింది.