సరికొత్త అధ్యాయం.. బిగ్ సర్‌ప్రైజ్ రాబోతుందంటూ టాలీవుడ్ హీరోయిన్ ఇంట్రెస్టింగ్ ట్వీట్

దిశ, సినిమా: టాలీవుడ్ యంగ్ హీరోయిన్ సీరత్ కపూర్(Seerat Kapoor) ‘రన్ రాజా రన్’ (Run Raja Run)తెలుగు ఇండస్ట్రీకి వచ్చి మంచి గుర్తింపు తెచ్చుకుంది. ఆ తర్వాత కొలంబస్, టైగర్, పవర్, కృష్ణ అండ్ లీల వంటి చిత్రాల్లో నటించి మెప్పించింది. గత ఏడాది బామకలాపం, మనమే వంటి సినిమాలతో ప్రేక్షకుల అలరించింది. ప్రస్తుతం ఎలాంటి ప్రాజెక్ట్స్ లేకపోవడంతో సీరత్ సోషల్ మీడియాపై ఫోకస్ పెట్టింది. ఈక్రమంలో.. తాజాగా, సీరత్ ట్విట్టర్ ద్వారా ఓ ఇంట్రెస్టింగ్ పోస్ట్ షేర్ చేసింది. ‘‘వావ్. ఈ సంవత్సరం పుట్టినరోజు బహుమతి అసమానమైనది! లైట్లు, కెమెరా, యాక్షన్ బియాండ్ బోర్డర్స్. సరికొత్త అధ్యాయం స్టార్ట్! బిగ్ సర్‌ప్రైజ్ రాబోతుంది వేచి చూడండి. ఈ పరిశ్రమలో ఒక దశాబ్దం అధివాస్తవికంగా, లోతుగా సంతృప్తికరంగా అనిపిస్తుంది.

ప్రతి పాత్ర, ప్రతి సెట్, ప్రతి అవకాశం ఎదుగుదల అధ్యాయం. నేను ప్రతి క్షణాన్ని ఎంతో ఆదరిస్తాను. నా ప్రేక్షకులకు వారి అచంచలమైన ప్రేమకు, వారి మార్గదర్శకత్వం కోసం నా గురువులకు ధన్యవాదాలు. నా పూర్తి సామర్థ్యాన్ని నిరంతరం వినియోగించుకోవడానికి నన్ను అనుమతించినందుకు నా విధికి నేను ఎంతో కృతజ్ఞురాలిని. ఈ ప్రయాణం విశ్వాసంతో రూపొందించబడింది. నేను మరిన్ని కథలు, సవాళ్లను స్వీకరించడానికి ఎదురు చూస్తున్నాను’’ అని రాసుకొచ్చింది. అలాగే తన ఫొటోలను షేర్ చేసింది. దీంతో ఈ పోస్ట్ చూసిన వారంతా ఆసక్తిగా ఎదురుచూస్తున్నారు.

Wow. This year’s birthday present is unparalleled! 🎂🥳
Lights, Camera, Action And Beyond Borders 🌟🎬
A brand-new chapter awaits! 🇦🇺
Stay tuned for the big reveal! 🔥

A decade in this industry feels both surreal and deeply fulfilling. Every role, every set and every… pic.twitter.com/WCp19R6h0m

— Seerat Kapoor (@IamSeeratKapoor) April 3, 2025