Vibhu Raghave : బాలీవుడ్లో తీవ్ర విషాదం.. ప్రముఖ నటుడు మృతి
బాలీవుడ్(Bollywood)లో తీవ్ర విషాదం నెలకొంది.
దిశ, వెబ్ డెస్క్ : బాలీవుడ్(Bollywood)లో తీవ్ర విషాదం నెలకొంది. ప్రముఖ టీవీ నటుడు విభు రాఘవే(Vibhu Raghave) (అసలు పేరు వైభవ్ కుమార్ సింగ్ రాఘవే) మృతి చెందారు. స్టేజ్-4 కోలన్ క్యాన్సర్(Cancer)తో ఈరోజు తెల్లవారు జామున ముంబైలోని నానావతి ఆసుపత్రిలో ఆయన మరణించారు. 'నిషా అండ్ హర్ కజిన్స్', 'సావధాన్ ఇండియా', 'సువ్రీన్ గుగ్గల్ - టాపర్ ఆఫ్ ది ఇయర్' వంటి టీవీ షోలలో నటించి పేరు తెచ్చుకున్న విభు, 2022లో క్యాన్సర్ బారిన పడినట్లు బయట పడింది. తన ఆరోగ్య పరిస్థితిని ఇన్స్టాగ్రామ్లో పంచుకొని, అభిమానుల్లో ధైర్యం నింపారు.
అతని చికిత్స కోసం సింపుల్ కౌల్, అదితీ మాలిక్, మోహిత్ మాలిక్ వంటి సహ నటులు కెట్టో.ఆర్గ్ ద్వారా నిధుల సేకరణకు పిలుపునిచ్చారు. విభు మరణంపై అతని సన్నిహితులు అతని మరణంతో దిగ్భ్రాంతి వ్యక్తం చేశారు. ఈ విషాద ఘటన టీవీ ఇండస్ట్రీలో తీరని శోకాన్ని నింపింది.
