‘ఇది భగత్ గీత’.. దమ్మున్నోడు దాటొచ్చు..
సినీ ప్రియులంతా అత్యంత ఆసక్తిగా ఎదురుచూస్తున్న 'ఉస్తాద్ భగత్ సింగ్' సినిమా నుంచి తాజాగా మరో గ్లింప్స్ విడుదల చేసి అభిమానుల్లో భారీ ఉత్సాహాన్ని నింపారు మేకర్స్.
దిశ, సినిమా: సినీ ప్రియులంతా అత్యంత ఆసక్తిగా ఎదురుచూస్తున్న 'ఉస్తాద్ భగత్ సింగ్' సినిమా నుంచి తాజాగా మరో గ్లింప్స్ విడుదల చేసి అభిమానుల్లో భారీ ఉత్సాహాన్ని నింపారు మేకర్స్. పవన్ కల్యాణ్ అద్భుతమైన, కమాండింగ్ అవతార్లో కనిపించిన ఈ ట్రైలర్ టీజ్కు సోషల్ మీడియాలో అద్భుతమైన రెస్పాన్స్ వస్తోంది. పవన్ కల్యాణ్ స్టైలిష్ స్క్రీన్ ప్రెజెన్స్, ప్రభావవంతమైన డైలాగులు, శక్తివంతమైన బాడీ లాంగ్వేజ్ అభిమానులు, ప్రేక్షకులను ఎంతో ఆకట్టుకుంటున్నాయి. భగవత్గీత శ్లోకంతో స్టార్ట్ అయిన ఈ ట్రైలర్ టీజ్లో ‘ఇందాక విన్నది భగవత్గీత.. ఇది భగత్ గీత.. దమ్మున్నోళ్లు దాటొచ్చు’ అనే డైలాగ్స్ హైలెట్గా నిలిచాయి.
డైరెక్టర్ హరీష్ శంకర్, పవర్ స్టార్ పవన్ కల్యాణ్ కాంబినేషన్లో వస్తున్న ఈ బిగ్గెస్ట్ ప్రాజెక్ట్ నుంచి వచ్చిన ట్రైలర్ టీజ్ సినిమా హై ఎక్స్పెక్టేషన్స్ పెంచగా.. ఇది చిన్న భాగం మాత్రమేనని, త్వరలో విడుదల కానున్న ట్రైలర్తో మరింత ఉత్సాహం పెరుగుతుందని చిత్రబృందం హామీ ఇచ్చింది. 'ఉస్తాద్ భగత్ సింగ్' చిత్రాన్ని మైత్రీ మూవీ మేకర్స్ పతాకంపై నవీన్ యెర్నేని, రవిశంకర్ యలమంచిలి ప్రతిష్టాత్మకంగా నిర్మిస్తున్నారు. మార్చి 19న థియేటర్లలో అడుగుపెట్టనుంది.
