పవన్ కు Y+ కేటగిరీ భద్రత కేటాయించిన కేంద్ర హోం మంత్రిత్వ శాఖ
భోజ్పురి స్టార్ పవన్ సింగ్కు కేంద్ర హోం మంత్రిత్వ శాఖ Y+ కేటగిరీ భద్రతను కేటాయించింది. ఆయనకు ముప్పు ఉందని ఇంటెలిజెన్స్ బ్యూరో (IB) ఇచ్చిన నివేదిక ఆధారంగా ఈ నిర్ణయం తీసుకున్నారు.
దిశ: వెబ్ డెస్క్: భోజ్పురి స్టార్ పవన్ సింగ్(Pawan Singh)కు కేంద్ర హోం మంత్రిత్వ శాఖ Y+ కేటగిరీ భద్రతను కేటాయించింది. ఆయనకు ముప్పు ఉందని ఇంటెలిజెన్స్ బ్యూరో (IB) ఇచ్చిన నివేదిక ఆధారంగా ఈ నిర్ణయం తీసుకున్నారు. ఈ మేరకు కేంద్ర హోంశాఖ ఆయనకు Y+ కేటగిరీ భద్రత కల్పిస్తూ ఆదేశాలు జారీ చేసింది. దీంతో పవన్ సింగ్కు 11 మంది సీఆర్పీఎఫ్ (CRPF) కమాండోలు, వ్యక్తిగత భద్రతా అధికారులు (PSOs) 24 గంటల భద్రతను అందిస్తారు. ఈ నిర్ణయం పవన్ సింగ్ రాజకీయాల్లోకి వస్తున్న సమయంలో తీసుకోవడం విశేషం. ఇటీవల ఆయన బీజేపీ నాయకులు అమిత్ షా, ఉపేంద్ర కుశ్వాహాతో సమావేశమయ్యారు. పవన్ సింగ్ ఆయన వ్యక్తిగత జీవితంలో కొన్ని వివాదాలు జరిగాయి. రూ. 1.5 కోట్లు పెట్టుబడిగా పెట్టిన ఓ హోటల్ యజమాని ఫ్రాడ్ కేసు నమోదు చేయాలని వారణాసి కోర్టు ఆదేశించింది. బాబా ఖాన్ గ్యాంగ్ నుంచి వచ్చిన బెదిరింపు వీడియోలు కూడా సోషల్ మీడియాలో వైరల్ అయ్యాయి. దీంతో పవన్ సింగ్ ప్రస్తుతం రాజకీయ, వ్యక్తిగత, భద్రతా అంశాలతో కూడిన సంక్లిష్ట పరిస్థితుల్లో ఉన్నట్లు తెలుస్తుంది.
