'తండేల్' కలెక్షన్ల సునామీ.. రెండు రోజుల్లో ఎంత కలెక్ట్ చేసిందంటే..?(పోస్ట్)
దిశ, సినిమా: గత మూడేళ్లుగా ఫ్లాప్స్‌తో సతమతం అవుతోన్న యువసామ్రాట్ అక్కినేని నాగచైతన్య(Naga Chaitanya) ఈసారి ఎలాగైనా హిట్ కొట్టాలనే లక్ష్యంతో క్రేజీ డైరెక్టర్ చందూ మొండేటి(Chandoo Mondeti) డైరెక్షన్‌లో వచ్చిన ‘తండేల్’ చిత్రంతో మనముందుకు వచ్చాడు. లవ్, యాక్షన్, దేశభక్తి బ్యాక్‌డ్రాప్‌లో రూపొందిన ఈ సినిమా ఫిబ్రవరి 7న ప్రేక్షకుల గ్రాండ్‌గా థియేటర్లలో రిలీజ్ అయిన సంగతి తెలిసిందే. ఈ సినిమాలో నాగచైతన్య సరసన నేచురల్ బ్యూటీ సాయి పల్లవి(Sai Pallavi) జంటగా నటించింది.
అగ్ర నిర్మాత అల్లు అరవింద్(Allu Aravind) సమర్పణలో బన్నీవాసు(Bunny Vasu) ఈ చిత్రాన్ని భారీ బడ్జెట్‌తో నిర్మించారు. అయితే తండేల్ సినిమా ఉత్తరాంధ్రలోని జాలర్ల జీవితంలో జరిగిన యదార్థ గాధ ఆధారంగా తెరకెక్కించారు. సముద్రం, పాకిస్థాన్ బ్యాక్ డ్రాప్‌తో తెరకెక్కిన ఈ చిత్రం ప్రస్తుతం థియేటర్లలో కలెక్షన్ల సునామీ సృష్టిస్తోంది. ఈ క్రమంలో ఈ మూవీకి సంబంధించిన ఓ పోస్ట్ సోషల్ మీడియాలో వైరల్ అయింది.
ఫస్ట్ డే వరల్డ్ వైడ్‌గా రూ.21.27కోట్ల గ్రాస్‌ను రాబట్టిన తండేల్ మూవీ రెండో రోజు కూడా మంచి కలెక్షన్లను రాబడుతోంది. ఇందులో భాగంగా సెకెండ్ డే వరల్డ్ వైడ్‌గా ఈ చిత్రం రూ. 41.20 కోట్లు రాబట్టింది. ఇక ఈ విషయాన్ని తెలియజేస్తూ మేకర్స్ ఓ స్పెషల్ పోస్టర్‌ను రిలీజ్ చేశారు. ప్రస్తుతం ఈ పోస్టర్ నెట్టింట వైరల్‌గా మారింది. కాగా ప్రస్తుతం మూవీ టీమ్ ఈ సినిమా సక్సెస్‌ను ఎంజాయ్ చేస్తున్నారు.
