‘టాక్సిక్’ మూవీలో రుక్మిణి వసంత్ రోల్ ఇదే.. అస్సలు ఊహించి ఉండరుగా..

దిశ, వెబ్‌డెస్క్: రాకింగ్ స్టార్ యశ్(Rocking Star Yash) హీరోగా, గీతూ మోహన్ దాస్(Geethu Mohan Das) దర్శకత్వంలో తెరకెక్కుతున్న పాన్ ఇండియా చిత్రం ‘టాక్సిక్: ఏ ఫెయిరీ టేల్ ఫర్ గ్రోన్ అప్స్’. కెవిఎన్ ప్రొడక్షన్స్ బ్యానర్ పై నిర్మిస్తున్నారు. ఈ సినిమాలో యష్‌కు జోడిగా కియారా అద్వానీ హీరోయిన్‌గా నటిస్తోంది. అలాగే లేడీ సూపర్ స్టార్ నయనతార, తారా సుతారియా, రుక్మిణి వసంత్, అక్షయ్ ఒబెరాయ్, సుదేవ్ నాయర్ వంటి వారు కీలక పాత్రలో కనిపించబోతున్నారు.

ప్రస్తుతం షూటింగ్ శరవేగంగా జరుపుకుంటోన్న ఈ చిత్రం 2026 మార్చి 19న ప్రపంచ వ్యాప్తంగా గ్రాండ్ రిలీజ్ కానుంది. ఇక ఇప్పటికే ఈ సినిమాలో నలుగురు హీరోయిన్‌ల లుక్‌‌తో పాటు యష్‌కు సంబంధించిన టీజర్ విడుదల చేసిన సంగతి తెలిసిందే. నదియా పాత్రలో కియారా, ఎలిజబెత్‌గా హ్యుమా ఖురేషీ. గంగ పాత్రలో నయనతార, రుక్మిణి వసంత్‌ను మెల్లిసాగా, రాయ పాత్రలో రాకింగ్ స్టార్ యష్ నటించనున్నట్లు వెల్లడించిన సంగతి తెలిసిందే.

ఈ క్రమంలో స్టార్ బ్యూటీ రుక్మిణి వసంత్ గురించి ఓ న్యూస్ సోషల్ మీడియాలో చక్కర్లు కొడుతోంది. టాక్సిక్ మూవీలో ఈ చిన్నది యష్‌కు ఆపోజిట్ పాత్రలో నటించనున్నదట. దాదాపు యష్‌కు ఉన్నంత ప్రాధాన్యత ఈభామకు కూడా ఉండనుందట. ఈ చిన్నదే సినిమా స్టోరీ మొత్తం చేంజ్ చేయనున్నదట. మరి ఇందులో నిజమెంతుందో తెలియనప్పటికీ ప్రస్తుతం ఈ న్యూస్ సోషల్ మీడియాలో వైరల్‌గా మారింది.