సంప్రదాయని సుప్పిని సుద్ధపూసని నుంచి ‘పాయ పాయ’ సాంగ్ అవుట్.. బండ్ల గణేష్ ఫేమస్ డైలాగ్‌తో మెస్మరైజ్ చేస్తున్న లిరిక్స్

దిశ, వెబ్‌డెస్క్: 90s వెబ్ సిరీస్‌తో రీ ఎంట్రీ ఇచ్చి టాలీవుడ్‌లో దూసుకు పోతున్న హీరో శివాజీ (Sivaji) ప్రస్తుతం ఆయ‌నే స్వ‌యంగా నిర్మాత మారి త‌న శ్రీ శివాజీ ప్రొడక్షన్స్ పతాకంపై ‘సంప్రదాయని సుప్పిని సుద్ధపూసని’ సినిమా చేస్తున్నాడు. ఇక ఈ మూవీలో ల‌య (Laya) శివాజీకి జంట‌గా న‌టిస్తోండ‌గా ప్రిన్స్‌(Prinse), అలీ(ali), ధ‌న్‌రాజ్‌(Dhanraj), ఇమ్మాన్యూయేల్ ఇత‌ర పాత్ర‌ల్లో న‌టిస్తున్నారు.

సుధీర్ శ్రీరామ్(Sudheer Sreeram) ఈ సినిమాకు ద‌ర్శ‌క‌త్వం వ‌హించ‌గా రంజిన్ రాజ్(Ranjin Raj) సంగీతం అందిస్తున్నాడు. అయితే ఈ చిత్రం ఈ నెల 12న ఈటీవీ విన్‌(ETV Win)లో స్ట్రీమింగ్‌ కానున్నది. ఈ క్రమంలో తాజాగా ఈ మూవీ నుంచి పాయ పాయ సాంగ్ రిలీజ్ చేశారు. ఈ పాటలో బండ్ల గణేష్‌తో పాటు చాలా మంది సీనియర్ యాక్టర్స్ స్టెప్పులేశారు. చివరగా బండ్ల గణేష్ పవన్ కళ్యాణ్(Pawan Kalyan) కోసం చెప్పే డైలాగ్ ‘ఈశ్వరా.. పరమేశ్వరా.. పవరేశ్వరా’ అనే డైలాగ్ టోటల్ సాంగ్‌ కే హైలెట్ అయింది.