స్పిరిట్ మూవీ పై అదిరిపోయే అప్డేట్ ఇచ్చిన మ్యూజిక్ డైరెక్టర్.. ఫుల్ ఖుషీలో డార్లింగ్ ఫ్యాన్స్

దిశ, వెబ్‌డెస్క్: పాన్ ఇండియా స్టార్ ప్రభాస్(Prabhas) గురించి ప్రత్యేకంగా చెప్పాల్సిన పనిలేదు. రీసెంట్‌గా ‘కల్కి 2898ఏడీ’(Kalki 2898AD) మూవీతో మన ముందుకు వచ్చి.. బ్లాక్ బస్టర్ విజయం సాధించాడు. డైరెక్టర్ నాగ్ అశ్విన్(Nag Ashwin) తెరకెక్కించిన ఈ చిత్రంలో బిగ్ బి అమితాబ్ బచ్చన్(Amitabh Bachchan), కమల్ హాసన్(Kamal Haasan), దీపిక పదుకొణె(Deepika Padukone), విజయ్ దేవరకొండ(Vijay Devarakonda), దిశా పటానీ(Disha Patani), కీర్తి సురేష్(Keerthi Suresh) వంటి ప్రముఖులు కీ రోల్ ప్లే చేశారు. ఇక బాక్సాఫీస్ వద్ద ఈ సినిమా రూ.2000 కోట్లకు పైగా వసూళ్లను సాధించింది.

ప్రస్తుతం ప్రభాస్.. ‘ఫౌజీ’(Fouji), ‘కల్కి-2’(Kalki-2), ‘సలార్-2’(Salar-2), ‘రాజా సాబ్’(Raja Saab), ‘స్పిరిట్’(Spirit) వంటి భారీ బడ్జెట్ సినిమాలతో బిజీ బిజీగా ఉన్నాడు. ఇదిలా ఉంటే.. ప్రభాస్ , స్టార్ డైరెక్టర్ సందీప్ రెడ్డి వంగా(Sandeep Reddy Vanga) కాంబోలో తెరకెక్కుతున్న లేటెస్ట్ మూవీ స్పిరిట్. దీనిని టీ- సిరీస్, భద్రకాళి పిక్చర్స్ సంయుక్తంగా హై బడ్జేట్‌తో నిర్మిస్తున్నారు. ఇక ఈ ఇయర్ నుంచి షూటింగ్ స్టార్ట్ కానున్నట్లు తెలుస్తుండగా.. ఆల్రెడీ మ్యూజిక్ స్టార్ట్ చేశారు. ఈ క్రమంలో ఈ చిత్రానికి సంబంధించిన లేటెస్ట్ అప్డేట్ ఇచ్చారు మ్యూజిక్ డైరెక్టర్.

స్పిరిట్ మూవీకి మ్యూజిక్ హర్షవర్ధన్ రామేశ్వర్(Harshvardhan Rameshwar) అందిస్తున్న సంగతి తెలిసిందే. అయితే తాజాగా ఓ ఇంటర్వ్యూలో పాల్గొన్న ఆయన మాట్లాడుతూ.. ‘ డార్లింగ్ అంటే నాకు అభిమాని, అందుకే ఈ చిత్రం కోసం కసిగా పని చేస్తున్నాను. అద్భుతమైన సంగీతం అందిస్తాను. సందీప్‌తో మ్యూజిక్ సిట్టింగ్స్ జరుగుతున్నాయి. ఆయనతో చేసిన సినిమాలకు విజిల్ సౌండ్ సెంటిమెంట్.. అయితే ఈ సినిమాలో దాన్ని కొనసాగిస్తాను’ అని చెప్పుకొచ్చాడు. ప్రస్తుతం హర్షవర్ధన్ రామేశ్వర్ చేసిన కామెంట్స్ నెట్టింట వైరల్ అవుతున్నాయి. ఇక ఇది విన్న డార్లింగ్ ఫ్యాన్స్ ఫుల్ ఖుషీ అవుతున్నారు.