టెన్షన్ పీక్స్.. వెన్నులో వణుకు పుట్టించే వెబ్ సిరీస్.. ఫైనల్ సీజన్ స్ట్రీమింగ్ కు సిద్ధం!

దిశ,వెబ్‌డెస్క్: ఓటీటీల్లో బ్లాక్ బస్టర్ హిట్ అయిన వెబ్ సిరీస్‌లలో ‘స్ట్రేంజర్ థింగ్స్’ ఒకటి. ఈ క్రమంలో ప్రపంచవ్యాప్తంగా నెట్‌ఫ్లిక్స్‌లో అత్యంత ఆదరణ పొందిన వెబ్ సిరీస్‌లలో ఒకటైన స్ట్రేంజర్ థింగ్స్ చివరి ఘట్టానికి చేరుకుంది. ఈ సిరీస్ ఫైనల్ సీజన్ ఈ నెల(డిసెంబర్) 26వ తేదీ నుంచి స్ట్రీమింగ్ కానుంది. సైన్స్ ఫిక్షన్, హారర్ ఎలిమెంట్స్‌తో కూడిన ఈ సిరీస్ ముగింపు కోసం ఫ్యాన్స్ ఎంతో ఉత్కంఠగా వేచి చూస్తున్నారు. గత నాలుగు సీజన్ల ఘన విజయంతో ఈ ఫైనల్ సీజన్ బాక్సాఫీస్ రికార్డులు తిరగరాయడం ఖాయమని సినీ విశ్లేషకులు భావిస్తున్నారు.ఓ గ్రామంలో నలుగురు స్నేహితులు ఉంటారు.

వారికి ఓ రాత్రి ఒక అమ్మాయి కనిపిస్తుంది. ఈమెకు సూపర్ పవర్స్ ఉంటాయి. అయితే ఈమె ఎవరు? అతీంద్రియ శక్తి నుంచి తమ ఊరిని ఎలా కాపాడుకున్నారో ఈ సీరిస్ కథ. ఇదిలా ఉంటే.. 2016 నుంచి ఓటీటీలో స్ట్రేంజర్ థింగ్స్ వెబ్ సిరీస్ నాలుగు సీజన్లు విడుదలయ్యాయి. గత నెలలోనే ఐదో సీజన్ తొలి వాల్యూమ్ స్ట్రీమింగ్ లోకి వచ్చింది. అద్భుతమైన రెస్పాన్స్ అందుకుంది. ఇప్పుడు రెండో వాల్యూమ్ స్ట్రీమింగ్ కి సిద్ధమైంది. ఈ మేరకు తెలుగు వర్షన్ ట్రైలర్ కూడా విడుదల చేశారు.