క్రూరమైన వేట ప్రారంభం.. వైల్డ్ పోస్టర్తో బిగ్ అప్డేట్ ఇచ్చిన టాలీవుడ్ హీరో
కొంతకాలంగా సినిమాలకు దూరంగా ఉన్న టాలీవుడ్ టాలెంటెడ్ హీరో మంచు మనోజ్(Manchu Manoj) ఇప్పుడు తన కొత్త సినిమాతో పవర్ఫుల్ రీఎంట్రీ ఇవ్వడానికి సిద్ధమవుతున్నారు.
దిశ, వెబ్డెస్క్: కొంతకాలంగా సినిమాలకు దూరంగా ఉన్న టాలీవుడ్ టాలెంటెడ్ హీరో మంచు మనోజ్(Manchu Manoj) ఇప్పుడు తన కొత్త సినిమాతో పవర్ఫుల్ రీఎంట్రీ ఇవ్వడానికి సిద్ధమవుతున్నారు. ఆయన నటిస్తున్న తాజా యాక్షన్ ఎంటర్టైనర్ ‘డేవిడ్ రెడ్డి’(Devid Reddy). ఈ సినిమాకు హనుమ రెడ్డి యక్కంటి(Hanuma Reddy Yakkanti) దర్శకత్వం వహిస్తుండగా, వెల్వెట్ సోల్ మోషన్ పిక్చర్స్ బ్యానర్పై మొటుకూరి భరత్, నల్లగంగుల వెంకట్ రెడ్డి నిర్మిస్తున్నారు.
అయితే ఈ ప్రాజెక్ట్పై ఇప్పటికే ఇండస్ట్రీలో మంచి బజ్ ఏర్పడగా, తాజాగా మనోజ్ చేసిన ప్రకటన అభిమానుల్లో ఉత్సాహాన్ని మరింత పెంచింది. జనవరి 26, 2026 న రిపబ్లిక్ డే సందర్భంగా ‘డేవిడ్ రెడ్డి’ సినిమా ఫస్ట్ లుక్ను విడుదల చేయనున్నట్లు మనోజ్ సోషల్ మీడియా ద్వారా వెల్లడించారు. ఈమేరకు ఓ స్పెషల్ పోస్టర్ను రిలీజ్ చేస్తూ.. ‘క్రూరమైన యుగం రేపు ఉదయం 11:11 గంటలకు ప్రారంభమవుతుంది.
"రూత్లెస్" ఉదయం 11:11 గంటలకు, "బ్రూటల్" సాయంత్రం 4:44 గంటలకు స్టార్ట్ కాబోతుంది’ అని రాసుకొచ్చారు. ఇక పోస్టర్లో ముళ్లతీగలతో ఉన్న కర్రపై మొత్తం రక్తం చిందుతూ వైల్డ్గా కనిపించింది. కాగా ఇప్పటివరకు చేసిన పాత్రలకు భిన్నంగా, ఈసారి మరింత రా అండ్ ఇంటెన్స్ క్యారెక్టర్లో కనిపించబోతున్న ఈ చిత్రానికి ‘కేజీఎఫ్’ సినిమాతో దేశవ్యాప్తంగా సంచలనం సృష్టించిన రవి బస్రూర్ సంగీతం అందిస్తున్నారు. ప్రస్తుతం ఈ ట్వీట్ వైరల్గా మారింది.
READ MORE ....
