వ్యూస్‌.. లైక్స్‌తో అదరగొట్టిన ఆరా ఆఫ్ ఉస్తాద్.. అల్లు అర్జున్ రికార్డును లేపేసింది.

దిశ, వెబ్ డెస్క్ : పవర్ స్టార్ పవన్ కళ్యాణ్, హరీష్ శంకర్ దర్శకత్వంలో ఉస్తాద్ భగత్ సింగ్ అనే చిత్రంలో హీరోగా నటిస్తున్నాడు. శ్రీలీల, రాశీ ఖన్నా హీరోయిన్లుగా నటిస్తున్న ఈ చిత్రానికి దేవిశ్రీప్రసాద్ సంగీతం అందిస్తుండగా, మైత్రి సంస్థ వారు నిర్మిస్తున్నారు. మార్చి 26వ తేదీన ఈ సినిమాను విడుదల చేయనున్నారు. ఈ చిత్ర విడుదల తేదీ దగ్గర పడడంతో తాజాగా ఈ మూవీ యూనిట్ ఈ సినిమాలోని ఆరా ఆఫ్ ఉస్తాద్ అంటూ సాగే లిరికల్ వీడియోను విడుదల చేసింది. ఈ సాంగ్ విడుదలకు ముందు ఈ మూవీ యూనిట్ ఈ సాంగ్ గురించి చాలా గొప్పగా చెప్పడం జరిగింది. అలాగే ఈ పాట విడుదల కోసం ఓ పెద్ద ఈవెంట్ను కూడా నిర్వహించారు.

దానితో పవన్ అభిమానులతో పాటు మామూలు ప్రేక్షకులు కూడా ఈ సాంగ్ పై భారీ స్థాయిలో అంచనాలు పెట్టుకున్నారు. అలా మంచి అంచనాల నడుమ విడుదల అయిన ఈ సాంగ్ రిలీజ్ అయిన 24 గంటల్లో 11.44 మిలియన్ వ్యూస్, 138k లైక్స్ ను సాధించింది. ఓవరాల్గా చూసుకుంటే ఈ సాంగ్కు మంచి రెస్పాన్స్ లభించినా భారీ స్థాయిలో రికార్డులను మాత్రం నెలకొల్పలేకపోయింది. కానీ పాన్ ఇండియా మూవీ అయిన పుష్ప పార్ట్ 2 మూవీకి సంబంధించిన సూసైకి సాంగ్ రికార్డును మాత్రం క్రాస్ చేసింది. సూసైకి పాటకి 24 గంటల్లో 10.97 మిలియన్ వ్యూస్ వచ్చాయి. అలా ఆరా ఆఫ్ ఉస్తాద్ సాంగ్ పుష్పలోని సూసేకి సాంగ్ను దాటేసింది.