చిరు - బాబీ సినిమాకు తమన్ సంగీతం.. ఈసారైనా కోరిక నెరవేరుతుందా?

దిశ, వెబ్ డెస్క్: మెగాస్టార్ చిరంజీవి, బాబి కొల్లి కాంబోలో మరికొన్ని రోజుల్లోనే ఓ సినిమా స్టార్ట్ కాబోతోంది. ఇప్పటికే ఆ మూవీకి సంబంధించిన అధికారిక ప్రకటన కూడా వెలువడింది. ప్రస్తుతం బాబి ఈ చిత్రానికి సంబంధించిన ప్రీ ప్రొడక్షన్ పనుల్లో చాలా బిజీగా ఉన్నాడు. కోన వెంకట్ కూడా ఈ సినిమా కథ, స్క్రీన్ ప్లే విషయంలో బాబీకి చాలా హెల్ప్ చేస్తున్నాడు. ఈయన తాజాగా ఓ ఇంటర్వ్యూలో మాట్లాడుతూ... చిరు, బాబి కాంబోలో రాబోయే సినిమా చాలా బాగుంటుంది. రెగ్యులర్, రొటీన్ సినిమాగా కాకుండా అది అద్భుతమైన రీతిలో ఉంటుంది అని చెప్పాడు.

ఈ మూవీలో బండ్ల గణేష్ నటించబోతున్నట్లు, ఈయనపై చాలా సన్నివేశాలు ఉండబోతున్నట్లు కొన్ని వార్తలు వచ్చాయి. బండ్ల గణేష్ తాజాగా ఓ ఇంటర్వ్యూలో మాట్లాడుతూ... నేను నటనపై పెద్దగా ఆసక్తి చూపడం లేదు, నా మనసుకు నచ్చిన పాత్రలను మాత్రమే ఒకే చేస్తున్నాను. చిరంజీవి గారి సినిమాలో ఓ పాత్ర చేయబోతున్నాను అని చెప్పాడు. ఇక తాజాగా ఈ సినిమాకు సంబంధించిన మరో క్రేజీ న్యూస్ బయటకు వచ్చింది. ప్రస్తుతం అందుతున్న సమాచారం ప్రకారం ఈ సినిమాకు ఎస్ఎస్ తమన్ సంగీతం అందించబోతున్నట్లు తెలుస్తోంది.

కొంతకాలం క్రితం రెహమాన్ ఈ చిత్రానికి సంగీతం అందించే అవకాశాలు ఉన్నట్లు పెద్ద ఎత్తున వార్తలు వైరల్ అయ్యాయి. కానీ చివరికి బాబి, తమన్ ను ఈ చిత్రానికి మ్యూజిక్ డైరెక్టర్గా ఫైనల్ చేసినట్లు తెలుస్తోంది. చిరంజీవి హీరోగా రూపొందిన గాడ్ ఫాదర్ చిత్రానికి తమన్ సంగీతం అందించాడు. కానీ అది కమర్షియల్ ఫిల్మ్ కాదు. దాంతో చిరంజీవి గారు హీరోగా నటించిన ఒక మంచి కమర్షియల్ సినిమాకు మ్యూజిక్ అందించే అవకాశం వస్తే అప్పుడు నేనేంటో చూపిస్తానన్నాడు. మరి ఈ సినిమాతో అయినా తమన్ డ్రీమ్ నెరవేరుతుందో లేదో చూడాలి.