నా క్యారెక్టర్‌లో అనేక లేయర్స్ ఉంటాయి.. ‘చెన్నై లవ్ స్టోరీ’పై శ్రీ గౌరి ప్రియ కామెంట్స్

దిశ, సినిమా: కిరణ్ అబ్బవరం, శ్రీ గౌరి ప్రియ జంటగా నటిస్తున్న లేటెస్ట్ సినిమా ‘చెన్నై లవ్ స్టోరీ’. రవి నంబూరి దర్శకత్వం వహిస్తున్న ఈ మూవీ ఈ నెల 24న వరల్డ్ వైడ్ గ్రాండ్ థియేట్రికల్ రిలీజ్‌కు వస్తుండగా.. తాజాగా ఈ సినిమా గ్రాండ్ ప్రెస్ మీట్‌ను హైదరాబాద్‌లో నిర్వహించారు. ఈ సందర్భంగా హీరోయిన్ శ్రీ గౌరి ప్రియ మాట్లాడుతూ.. ‘మా మూవీ నుంచి గ్లింప్స్ రిలీజ్ చేసి ఏడాది అవుతోంది. ఇప్పటివరకు కూడా మీరు ఆ గ్లింప్స్ ఎంజాయ్ చేస్తూనే ఉన్నారు. అప్పటి నుంచి మీరు మాకు సపోర్ట్ చేస్తూనే ఉన్నారు. మరో వారం రోజుల్లో మా సినిమా రిలీజ్ కు వస్తోంది. ఇప్పుడు మీ సపోర్ట్ ఇంకా అవసరం. సినిమా మొత్తం హార్డ్ హిట్టింగ్‌గా ఉంటుంది. ఈ సినిమాలో వదలనే సాంగ్ లీడ్ సీన్ చాలా బాగుంటుంది. అలాగే సెకండాఫ్‌లో కొన్ని సీన్స్ మెమొరబుల్‌గా ఉంటాయి. ఈ చిత్రంలో నా క్యారెక్టర్‌లో అనేక లేయర్స్ ఉంటాయి. హీరోకు సమానంగా డైరెక్టర్ నా పాత్రను చిత్రీకరించారు. మీరు ఇప్పటిదాకా రిలీజ్ చేసిన నాలుగు పాటలు చూస్తే నాలుగు పాటల్లో ఒక్కోలా కనిపిస్తాను. అన్నీ వేరేషన్స్ నా పాత్రలో ఉంటాయి’ అంటూ చెప్పుకొచ్చింది.