Sri Chidambaram: బ్యూటీఫుల్ విలేజ్ డ్రామాతో రాబోతున్న సరికొత్త సినిమా.. టైటిల్ గ్లింప్స్ రిలీజ్
కిరణ్ అబ్బవరం ‘క’ వంటి సన్సేషనల్ సినిమాను అందించిన మేకర్స్.. ఇప్పుడు మరో డిఫరెంట్ అండ్ న్యూ ఏజ్ కాన్సెప్ట్ ఫిల్మ్తో ప్రేక్షకుల ముందుకు వచ్చేందుకు సిద్ధం అవుతున్నారు.
దిశ, సినిమా: కిరణ్ అబ్బవరం ‘క’ వంటి సన్సేషనల్ సినిమాను అందించిన మేకర్స్.. ఇప్పుడు మరో డిఫరెంట్ అండ్ న్యూ ఏజ్ కాన్సెప్ట్ ఫిల్మ్తో ప్రేక్షకుల ముందుకు వచ్చేందుకు సిద్ధం అవుతున్నారు. వినయ్ రత్నం దర్శకత్వం వహిస్తున్న ఈ మూవీని శ్రీ చక్రాస్ ఎంటర్టైన్మెంట్ పతాకంపై శ్రీమతి చింతా వరలక్ష్మీ సమర్పణలో చింతా వినీషా రెడ్డి, చింతా గోపాలకృష్ణ రెడ్డి నిర్మిస్తున్నారు. వంశి తుమ్మల, సంధ్య వశిష్ట హీరో హీరోయిన్స్గా నటిస్తున్న ఈ చిత్రానికి ‘శ్రీ చిదంబరం’ అనే టైటిల్ను ఫిక్స్ చేస్తూ.. తాజాగా టైటిల్ గ్లింప్స్ను హీరో కార్తీకేయ విడుదల చేసి చిత్ర బృందానికి శుభాకాంక్షలు తెలియజేశాడు.
ఈ సందర్భంగా నిర్మాతలు మాట్లాడుతూ.. ‘యంగ్స్టర్స్ అంతా కలిసి చేసిన ఫ్రెష్ ఫీల్ మూవీ ఇది. మెల్లకన్ను ఉన్న యువకుడు ఇన్సెక్యూర్తో కళ్ళద్డాలు పెట్టుకుని లైఫ్ని మేనేజ్ చేస్తుంటాడు. అలాంటి అబ్బాయి లవ్లో పడితే ఏం జరుగుతుంది అనే ఓ ఫన్ డ్రామా చుట్టు జరిగే కథ ఇది. బ్యూటిఫుల్ విలేజ్ డ్రామాగా రూపొందుతున్న ఈ చిత్రంలో ప్రతి పాత్ర, ప్రతి సన్నివేశం ఎంతో సహజంగా ఉంటుంది. చిత్రంలో అన్ని ఎమోషన్స్ ఉంటాయి. కొత్తదనం కోరుకునే ప్రేక్షకులకు పూర్తి సంతృప్తినిచ్చే చిత్రమిది’ అని తెలిపారు. లింక్
