శ్రీలీల సీక్రెట్ ఎమోషన్.. ఈ ఫోటో వెనుక ఏం దాగుందో..?

దిశ, వెబ్ డెస్క్ : టాలీవుడ్ సెన్సేషన్, అందం, అభినయంతో కుర్రకారు గుండెల్లో సుస్థిర స్థానం సంపాదించుకున్న శ్రీలీల తాజాగా తన ఇన్‌స్టాగ్రామ్‌లో షేర్ చేసిన ఒక ఫోటో ఇప్పుడు సోషల్ మీడియాలో వైరల్ అవుతోంది. ఇది కేవలం ఒక చిత్రం కాదు.. ఒక స్వచ్ఛమైన భావోద్వేగం.. ఈ ఫోటోలో శ్రీలీల తన తల్లిని ఆప్యాయంగా హత్తుకుని ఉండటం చూడముచ్చటగా ఉంది. ఇద్దరూ సంప్రదాయ దుస్తుల్లో ఎంతో అందంగా మెరిసిపోతున్నారు. వారి కళ్లల్లోని ప్రేమ, ఆప్యాయత చూసిన వేలాది మంది అభిమానుల హృదయాలను కదిలించాయి. ఈ పోస్ట్‌కి మరింత ప్రత్యేకతను తీసుకువస్తూ శ్రీలీల తన ఫాలోవర్స్‌కి ఒక సరదా ఛాలెంజ్ విసిరింది. "దీనికి మీరే ఒక క్యాప్షన్ ఇవ్వండి" అంటూ అభిమానులను ఆహ్వానించింది. తన ఫాలోవర్స్‌తో కనెక్ట్ అవ్వడానికి ఇది నిజంగా ఒక అద్భుతమైన మార్గం కదూ..

అమెరికాలో జన్మించినా, బెంగళూరులో పెరిగిన శ్రీలీల సౌత్ ఇండియన్ సినిమాలో అత్యంత ప్రతిభావంతులైన యువ నటీమణుల్లో ఒకరిగా తనకంటూ పేరుతెచ్చుకుంది. కన్నడలో 'కిస్' సినిమాతో తన సినీ ప్రయాణం మొదలుపెట్టినా, తెలుగులో 'పెళ్లి సందD' చిత్రంతో ఒక్క రాత్రిలోనే స్టార్‌గా మారిపోయింది. ఆ తర్వాత శ్రీలీల ఎన్నో హిట్ సినిమాల్లో నటించి, టాప్ హీరోలతో స్క్రీన్ షేర్ చేసుకుంది. తన ఎనర్జీ, హావభావాలు, తెరపై ఆమె ఉనికి అన్ని భాషల ప్రేక్షకులను విశేషంగా ఆకట్టుకున్నాయి. ఇప్పుడు ఇన్‌స్టాగ్రామ్‌లో భారీ ఫాలోయింగ్‌తో ఆమె సోషల్ మీడియాలోనూ ఒక సెన్సేషన్‌గా మారిపోయింది. ప్రస్తుతం మాస్ మహారాజ రవితేజతో మాస్ జాతర సినిమాలో నటిస్తోంది ఈ అమ్మడు. ఇటీవల బాలీవుడ్ లోకి కూడా ఎంట్రీ ఇచ్చింది ఈ ముద్దుగుమ్మ.