శర్వా 'భోగి' ఓటీటీ డీల్ క్లోజ్?
భోగి చిత్రం యొక్క డిజిటల్ హక్కులను ప్రముఖ ఓటీటీ సంస్థ నెట్ఫ్లిక్స్ దక్కించుకున్నట్లు సమాచారం.
దిశ, సినిమా: 'నారి నారి నడుమ మురారి' చిత్ర విజయంతో ఫుల్ జోష్లో ఉన్న శర్వానంద్ వరుస ప్రాజెక్టులతో బిజీగా కొనసాగుతున్నాడు. ఇప్పటికే ‘బైకర్’ చిత్రాన్ని పూర్తి చేసి విడుదలకు సిద్ధం చేసిన ఆయన, ప్రస్తుతం సంపత్ నంది దర్శకత్వంలో రూపొందుతున్న ‘భోగి’ అనే పవర్ఫుల్ మాస్ యాక్షన్ చిత్రంలో నటిస్తున్నాడు. కొంతకాలం క్రితమే ఈ మూవీ యూనిట్ శర్వానంద్కు సంబంధించిన ఫస్ట్ లుక్ పోస్టర్ను విడుదల చేయగా, అందులో ఆయన గంభీరమైన లుక్లో కనిపించాడు. ఆ పోస్టర్ ప్రేక్షకులను ఆకట్టుకోవడంతో ఈ సినిమాపై ఒక్కసారిగా అంచనాలు పెరిగాయి. ఇక తాజాగా అందుతున్న సమాచారం ప్రకారం, ఈ మూవీకి సంబంధించిన ఓటీటీ డీల్ క్లోజ్ అయినట్లు తెలుస్తోంది.
ఈ చిత్రం యొక్క డిజిటల్ హక్కులను ప్రముఖ ఓటీటీ సంస్థ నెట్ఫ్లిక్స్ దక్కించుకున్నట్లు సమాచారం. ఇటీవల కాలంలో అనేక సినిమాలు ఓటీటీ డీల్ కుదరక విడుదల విషయంలో ఇబ్బందులు ఎదుర్కొంటున్న పరిస్థితుల్లో, ‘భోగి’ చిత్రానికి ఓటీటీ ఒప్పందం చాలా త్వరగా పూర్తవడం విశేషంగా భావిస్తున్నారు. ఈ మూవీని 2026 ఆగస్టు 28న ప్రపంచవ్యాప్తంగా విడుదల చేయనున్నట్లు చిత్ర యూనిట్ ఇప్పటికే ప్రకటించింది. అనుపమ పరమేశ్వరన్, డింపుల్ హయాతి హీరోయిన్లుగా నటిస్తున్న ఈ చిత్రానికి భీమ్స్ సిసిరోలియో సంగీతం అందిస్తున్నాడు. శ్రీ సత్య సాయి ఆర్ట్స్ బ్యానర్ వారు నిర్మిస్తున్నారు.
