‘ఉస్తాద్ భగత్ సింగ్‌’ నుంచి క్రేజీ అప్డేట్.. సోషల్ మీడియా తగలబడి పోతుందంటూ నిర్మాత ట్వీట్

దిశ, వెబ్‌డెస్క్: పవర్ స్టార్ పవన్ కల్యాణ్(Pawan Kalyan) అభిమానులకు నిర్మాత SKN సూపర్ న్యూస్ చెప్పారు. ఉస్తాద్ భగత్ సింగ్(Ustaad Bhagat Singh) సినిమా నుంచి క్రేజీ అప్డేట్ ఇచ్చారు. సినిమాలో పవన్ కల్యాణ్ ఓ పాటకు చేసిన డాన్స్ చూస్తే కళ్లలో నీళ్లు వచ్చాయి. భావోద్వేగంతో గుండె నిండిపోయింది. చూడ్డానికి రెండు కళ్లు సరిపోలేదు. ఆయన పాట, లిరిక్స్ బయటకు వచ్చిన రోజు సోషల్ మీడియా మొత్త తగలబడి పోవడం ఖాయం. ఆ రోజున మళ్లీ మాట్లాడుకుందామని సోషల్ మీడియా వేదికగా SKN పోస్టు పెట్టారు. కాగా, హరీష్ శంకర్ తెర‌కెక్కిస్తున్న‌ ‘ఉస్తాద్ భగత్ సింగ్’ సినిమా చిత్రీకరణ శ‌ర‌వేగంగా సాగుతోంది. గతంలో ఈ కాంబినేషన్‌లో వచ్చిన ‘గబ్బర్ సింగ్’ బ్లాక్‌బస్టర్ కావడంతో, ఇప్పుడు ఈ ప్రాజెక్టుపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఇక ఈ చిత్రంలో శ్రీలీల, రాశీఖన్నా హీరోయిన్లుగా నటిస్తున్నారు. మైత్రీ మూవీ మేకర్స్ పతాకంపై నవీన్, రవి శంకర్ భారీ స్థాయిలో నిర్మిస్తున్నారు. మాస్, యాక్షన్ ప్రియుల్ని ఆకట్టుకునే విధంగా సినిమా రూపుదిద్దుకుంటోందని నిర్మాతలు హామీ ఇస్తున్నారు. దేవిశ్రీ ప్రసాద్ సంగీతం అందిస్తున్నారు.