రూ.200 కోట్ల విలువైన‌ కోడిగుడ్డు.. ఉత్కంఠ రేపుతున్న 'భామా కలాపం' ట్రైలర్

దిశ, సినిమా : స్టార్ నటి ప్రియమణి నటించిన 'భామా కలాపం' ఓటీటీలో రిలీజ్ కానుంది. అభిమన్యు తాడిమేటి దర్శకత్వం వహించిన ఈ చిత్ర ట్రైలర్‌ను తాజాగా యంగ్ హీరో విజ‌య్ దేవ‌ర‌కొండ విడుదల చేశాడు. 'కేవలం వాస‌న చూసి కూర‌లో ఉప్పు ఎక్కువైందో, త‌క్కువైందో చెప్పేస్తాను. అది నాకు దేవుడు ఇచ్చిన గిఫ్ట్. నేను ప‌సిగ‌ట్టింది త‌ప్పయ్యే చాన్సే లేదు' అని ప్రియమణి(అనుపమ) చెప్పే డైలాగ్‌తో ట్రైలర్ మొదలైంది.

ఇదే క్రమంలో కోల్‌క‌తా మ్యూజియం నుంచి మిస్ అయిన రూ.200 కోట్ల విలువైన‌ కోడిగుడ్డును కనిపెట్టేందుకు పోలీసులు ప్రయత్నిస్తుంటారు. ఇదిలా ఉంటే, తీరిక సమయాల్లో డిఫ‌రెంట్ వంట‌లు చేస్తూ యూట్యూబ్‌లో పోస్ట్ చేస్తుండే అనుపమ.. కుటుంబ‌మే లోకంగా బతుకుతుంటుంది. మరి అలాంటి తనకు, ఆ గుడ్డుకు ఉన్న లింక్ ఏంటో తెలుసుకోవాలంటే ఫిబ్రవరి 11న 'ఆహా'లో ప్రీమియర్ కానున్న 'భామా కలాపం' చూడాల్సిందే.