రోమియో VS రౌడీ.. ఈ పోటీలో గెలిచేదెవరు?

దిశ, వెబ్‌డెస్క్: టాలీవుడ్ బాక్సాఫీస్‌లో రెండు స్టార్ హీరోల సినిమాలు ఒకేసారి క్లాష్ అయితే ఏం జరుగుతుందో అందరికీ తెలిసిందే. ఫ్యాన్స్ వార్, సోషల్ మీడియా హీట్, థియేటర్ల వద్ద భారీ రష్.. అలాంటి భీకర పోటీ 2026 డిసెంబర్‌లో క్రిస్మస్ సీజన్‌లో మనకు కనిపించబోతోంది. న్యాచురల్ స్టార్ నాని - ఓజీ ఫేమ్ సుజిత్ దర్శకత్వంలో తెరకెక్కనున్న ‘బ్లడీ రోమియో’ (బ్లడీ రోమియో) సినిమాను ఈ సీజన్‌కు టార్గెట్ చేస్తున్నారు మేకర్స్. ఇది నాని కెరీర్‌లో అత్యంత భారీ బడ్జెట్ ప్రాజెక్ట్‌గా చెబుతున్నారు. స్టైలిష్ యాక్షన్ డ్రామా జోనర్‌లో ఉంటుంది. భారీ సెట్లు, బడ్జెట్ పరంగా కూడా ఎక్కువగా ఇన్వెస్ట్ చేస్తున్నారు. షూటింగ్ ఏప్రిల్ నుంచి మొదలు కానుండగా.. క్రిస్మస్ 2026కి రిలీజ్ ప్లాన్ చేశారు. ఈ మూవీపై ఇప్పటికే సాలిడ్ బజ్ ఉంది.

రౌడీ స్టార్ విజయ్ దేవరకొండ - దిల్ రాజు నిర్మాణంలో రవి కిరణ్ కోలా దర్శకత్వంలో వస్తున్న ‘రౌడీ జనార్థన’ (Rowdy Janardhana) కూడా డిసెంబర్ 2026లోనే రిలీజ్ అవుతుందని కన్ఫర్మ్ అయింది. ఇది 1980ల బ్యాక్‌డ్రాప్‌లో రూరల్ యాక్షన్ డ్రామాగా తెరకెక్కుతుండగా.. పాన్ ఇండియా రేంజ్ లో రిలీజ్ కు మేకర్స్ ప్లాన్ చేశారు. కీర్తి సురేష్ హీరోయిన్‌గా నటిస్తోంది. టైటిల్ గ్లింప్స్ తోనే విజయ్ రక్తం తడిసిన మాస్ లుక్‌తో అభిమానులను షేక్ చేశాడు. ఇది విజయ్‌కు సాలిడ్ కమ్‌బ్యాక్‌గా చూస్తున్నారు. ఈ రెండు సినిమాలూ మాస్ ఎంటర్‌టైనర్లే. భారీ బడ్జెట్‌లు, స్ట్రాంగ్ డైరెక్టర్లు, ప్రొడ్యూసర్లు.. దీంతో క్రిస్మస్ 2026లో క్లాష్ ఆఫ్ టైటాన్స్ ఖాయమైంది. ఈ పోటీలో కంటెంట్, ఎగ్జిక్యూషన్, ఫ్యాన్ ఫాలోయింగ్.. అన్నీ కీలకమే. ఫ్యాన్స్ ఇప్పటికే సోషల్ మీడియాలో వార్ మొదలెట్టారు. మరి ఈ పోటీలో ఎవరి సినిమా బాక్సాఫీస్‌ను షేక్ చేస్తుంది? 2026 డిసెంబర్ వరకు వేచి చూడాల్సిందే.