Nani : శ్రీకాంత్ ఓదెల చేసిన పనికి నాకు యాక్టింగ్ రాదనుకున్నాను

దిశ, వెబ్ డెస్క్ : కొత్త దర్శకులను ఎంకరేజ్ చేసే విషయంలో నాచురల్ స్టార్ నాని ఎప్పుడూ ముందుంటారు. ఈయన ఇప్పటివరకు ఎంతోమంది కొత్త దర్శకులకు సినిమా అవకాశాలు ఇచ్చాడు. కొంతకాలం క్రితం నాని, శ్రీకాంత్ ఓదెల అనే కొత్త దర్శకుడికి అవకాశం ఇచ్చాడు. వీరి కాంబినేషన్లో దసరా అనే సినిమా రూపొందింది. ఈ సినిమా మంచి విజయాన్ని సొంతం చేసుకుంది. దానితో నాని, శ్రీకాంత్ ఇద్దరికీ మంచి ప్రశంసలు దక్కాయి. ప్రస్తుతం నాని హీరోగా రూపొందుతున్న ది ప్యారడైజ్ చిత్రానికి శ్రీకాంత్ దర్శకత్వం వహిస్తున్నాడు.

ఈ చిత్రంపై ప్రేక్షకుల్లో భారీ అంచనాలు ఉన్నాయి. ఆగస్టు 21వ తేదీన ఈ చిత్రం ప్రేక్షకుల ముందుకు రానుంది. ఇక శ్రీకాంత్, నాని 'దసరా' సినిమా సమయంలో చేసిన ఇంటర్వ్యూకు సంబంధించిన ఓ వీడియో వైరల్ గా మారింది. ఆ వీడియోలో నాని, శ్రీకాంత్ గురించి కొన్ని ఇంట్రెస్టింగ్ కామెంట్స్ చేశాడు. పాత వీడియోలో నాని, శ్రీకాంత్ గురించి మాట్లాడుతూ... సహజంగా కొత్త దర్శకులు ఫస్ట్ డే షూటింగ్ స్పాట్లో ఉన్నప్పుడు అక్కడున్న వారంతా మాకు దర్శకత్వం రాదని ఎవరూ అనుకోకూడదు అనే విధంగా పని చేస్తూ ఉంటారు.

కానీ దసరా సినిమా సమయంలో శ్రీకాంత్ ఫస్ట్ డే షూట్ రోజు ఆయన కాదు, నేను భయపడ్డాను. నాకు యాక్టింగ్ వచ్చో, రాదో అనే అనుమానం నాకు వచ్చేలా ఆయన బిహేవ్ చేశాడు అని అన్నాడు. ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఇప్పటివరకు ది ప్యారడైజ్ చిత్రం నుండి మేకర్స్ విడుదల చేసిన ప్రచార చిత్రాలన్నీ జనాలను విపరీతంగా ఆకట్టుకున్నాయి. కొన్ని రోజుల క్రితమే ఈ సినిమా నుండి ఆయా షేర్ అనే సాంగ్ను విడుదల చేయగా అది కూడా జనాల్ని అలరిస్తోంది.