Nagarjuna: ఏదైనా డిఫరెంట్‌గా చేయాలి అనుకున్నప్పుడు ఈ సినిమా వచ్చింది.. నాగార్జున కామెంట్స్

దిశ, సినిమా: తమిళ స్టార్ ధనుష్, కింగ్ నాగార్జున, నేషనల్ క్రష్ రష్మిక మందన్న నటిస్తున్న హైలీ యాంటిసిపేటెడ్ పాన్-ఇండియా మూవీ ‘కుబేర’. శేఖర్ కమ్ముల దర్శకత్వం వహించిన ఈ చిత్రాన్ని అమిగోస్ క్రియేషన్స్ ప్రైవేట్ లిమిటెడ్‌తో కలిసి SVCLLPపై సునీల్ నారంగ్, పుస్కుర్ రామ్ మోహన్ రావు నిర్మిస్తున్నారు. ఈ చిత్రం భారీ అంచనాల మధ్య తెలుగు, తమిళం, హిందీ, కన్నడ, మలయాళ భాషలలో జూన్ 20న విడుదల కానుంది. రిలీజ్ సమయం దగ్గర పడటంతో ప్రమోషన్స్‌లో జోరు పెంచిన చిత్ర బృందం.. తాజాగా ‘పీ పీ డుమ్‌ డుమ్‌’ పాటని ముంబయిలో మంగళవారం లాంచ్ చేశారు.

ఈ ఈవెంట్‌లో పాల్గొన్న అక్కినేని నాగార్జున మాట్లాడుతూ.. ‘కుబేర నాకు చాలా స్పెషల్ ఫిలిమ్. ఏదైనా డిఫరెంట్‌గా చేయాలి అనుకున్నప్పుడు శేఖర్ వచ్చారు. ఆయనతో గత 15 ఏళ్లుగా పని చేయాలని అనుకుంటున్నాను. ఆయన ఈ సినిమా గురించి చెప్పినప్పుడు మరో ఆలోచన లేకుండా ఓకే చేశాను. రష్మిక పవర్ హౌస్ ఆఫ్ టాలెంట్. ఇందులో తన పెర్ఫార్మన్స్ మిమ్మల్ని అలరిస్తుంది. జూన్ 20న మీరందరూ సినిమా చూసి ఎంజాయ్ చేయాలి’ అని చెప్పుకొచ్చాడు.