Nagarjuna: ఇన్ని రోజులు సైలెంట్.. ఇప్పుడేకంగా రెండు సినిమాలపై కాన్సన్ట్రేషన్
ఒకేసారి రెండు సినిమాలు లైన్లో పెట్టిన నాగార్జున.. ఒకటి చకాచకా షూటింగ్.. మరొక దానికి రంగం సిద్ధం.
దిశ, వెబ్ డెస్క్ : టాలీవుడ్ కింగ్ అక్కినేని నాగార్జున ఆఖరుగా నా సామి రంగ అనే చిత్రంతో ప్రేక్షకుల ముందుకు వచ్చాడు. ఈ సినిమా 2023 సంక్రాంతి పండుగ సందర్భంగా విడుదలై మంచి విజయం సాధించింది. ఈ చిత్రం తర్వాత నాగార్జున పలు సినిమాల్లో కీలక పాత్రల్లో, విలన్ పాత్రల్లో నటించినా హీరోగా మాత్రం నటించలేదు. దానితో ఆయన అభిమానులు తమ హీరో ఎప్పుడెప్పుడు సినిమా స్టార్ట్ చేస్తాడా అని ఎంతో ఆత్రుతగా ఎదురు చూశారు. వారి ఎదురుచూపులకు పుల్స్టాప్ పెట్టేలా నాగార్జున కొన్ని రోజుల క్రితమే ఒక సినిమా స్టార్ట్ చేశాడు.
ప్రస్తుతం మరో సినిమాను సెట్స్ పైకి తీసుకు వెళ్ళడానికి రంగం సిద్ధం చేస్తున్నట్లు తెలుస్తుంది. నాగార్జున ప్రస్తుతం ఓ సినిమా షూటింగ్ను స్టార్ట్ చేయడమే కాకుండా దానిని ఫుల్ స్పీడులో పూర్తి చేస్తూ వస్తున్నాడు. మరోవైపు కళ్యాణ్ కృష్ణ దర్శకత్వంలో పనిచేయడానికి ఆయనతో ప్రత్యేకంగా ఒక కథను కూడా తయారు చేయిస్తున్నట్లు తెలుస్తుంది.
ఈ కథ తయారైన తర్వాత సినిమా షూటింగ్ను మొదలుపెట్టి సంక్రాంతికి దానిని విడుదల చేయాలనేదే నాగార్జున టార్గెట్ అని తెలుస్తుంది. ఇప్పటికే నాగార్జున, కళ్యాణ్ కృష్ణ కాంబోలో సోగ్గాడే చిన్నినాయన, బంగార్రాజు అనే రెండు సినిమాలు వచ్చి మంచి విజయాలను అందుకున్నాయి. దానితో వీరి కాంబోలో వచ్చే మూడవ సినిమాపై ప్రేక్షకుల్లో మంచి అంచనాలు ఉండే అవకాశాలు చాలా వరకు ఉన్నాయి. నాగార్జున రీసెంట్ టైంలో బ్రహ్మాస్త్ర, కుబేర, కూలి చిత్రాల్లో కీలక పాత్రలో నటించాడు. ఈ మూడు సినిమాలలోని ఈయన నటనకు మంచి ప్రశంసలు దక్కాయి.
