మోస్ట్ స్టైలిష్ క్లైమాక్స్.. సంక్రాంతికి రఫ్పాడించడం ఖయమా?

దిశ, వెబ్‌డెస్క్: మెగాస్టార్ చిరంజీవి(Megastar Chiranjeevi) మోస్ట్ ఎవైటెడ్ ఫ్యామిలీ ఎంటర్‌టైనర్ మన శంకర వర ప్రసాద్(Mana Shankara Vara Prasad Garu Movie). అనిల్ రావిపూడి దర్శకత్వం వహిస్తున్న ఈ చిత్రంలో విక్టరీ వెంకటేష్ ఒక కీలక పాత్రలో కనిపించనున్నారు. వెంకటేష్ ఇటీవలే ఈ సెట్‌లో జాయిన్ అయ్యారు. షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్స్‌పై సాహు గారపాటి, సుష్మిత కొణిదెల నిర్మించిన ఈ చిత్రాన్ని అర్చన సమర్పిస్తున్నారు.

ఆదివారం నుండి చిరంజీవి, ఫైటర్స్ బృందం పాల్గొనే స్టైలిష్ క్లైమాక్స్ యాక్షన్ సీక్వెన్స్‌ను హైదరాబాద్‌లో చిత్రీకరించడం ప్రారంభించారు. ఇది ప్రేక్షకులను ఆకట్టుకునే విధంగా విజువల్‌గా అద్భుతంగా తెరకెక్కిస్తున్నారు. ప్రముఖ యాక్షన్‌ కొరియోగ్రాఫర్‌ వెంకట్‌ మాస్టర్‌ పర్యవేక్షణలో ప్రతి సన్నివేశం గ్రాండ్‌గా రూపొందుతోంది. చిరంజీవి చరిష్మా, గ్రేస్, అనిల్‌ రావిపూడి టచ్‌ కలిసిన ఈ క్లైమాక్స్‌ సీక్వెన్స్‌ ప్రేక్షకులకు మరిచిపోలేని అనుభూతిని అందించనుంది. ప్రస్తుతం చిత్ర నిర్మాణ కార్యక్రమాలు వేగంగా జరుగుతున్నాయి.

ఈ చిత్రంలో నయనతార హీరోయిన్‌గా నటిస్తుండగా, వీటీవీ గణేష్‌ కీలక పాత్రలో కనిపించనున్నారు. సంగీత దర్శకుడు భీమ్స్‌ సిసిరోలియో సమకూర్చిన ఫస్ట్ సింగిల్‌ “మీసాల పిల్ల” దేశవ్యాప్తంగా ట్రెండ్‌ అవుతోంది. ఈ చిత్రానికి సినిమాటోగ్రఫీ సమీర్‌ రెడ్డి, ఎడిటింగ్‌ తమ్మిరాజు, ఆర్ట్‌ డైరెక్షన్‌ ఏ.ఎస్‌. ప్రకాష్‌. ఎస్‌.కృష్ణ, జి. ఆది నారాయణ సహారచయితలు. ఎస్‌.కృష్ణ ఎగ్జిక్యూటివ్‌ ప్రొడ్యూసర్‌గా కూడా వ్యవహరిస్తున్నారు. 2026 సంక్రాంతికి మన శంకర వరప్రసాద్ బిగ్గెస్ట్ ఎట్రాక్షన్‌గా ప్రేక్షకులు ముందుకు రానుంది.