త్వరలోనే కన్నప్ప ఫ్రీక్వెల్ .. మంచు విష్ణు క్లారిటీ !

దిశ, వెబ్ డెస్క్ : టాలీవుడ్ సీనియర్ హీరో మంచు విష్ణు తాజాగా చేసిన సినిమా కన్నప్ప. ఈ సినిమా శుక్రవారం రిలీజ్ అయి మంచి కలెక్షన్స్ రాబడుతోంది. మంచి విష్ణు తో పాటు ప్రభాస్, కాజల్, మోహన్ బాబు, ఇలా చెప్పుకుంటూ పోతే చాలామంది స్టార్ నటించిన ఇందులో ఉన్నారు. అయితే ఈ సినిమా సక్సెస్ మీట్ తాజాగా నిర్వహించారు. ఈ ఈవెంట్ హైదరాబాద్ లో జరిగింది. ఈ సందర్భంగా మంచు విష్ణు సినిమాకు సంబంధించిన విషయాలను పంచుకున్నారు.

దర్శకుడు రామ్ గోపాల్ వర్మ సూచనల మేరకు సినిమా విడుదల చేసినట్లు ఈ సందర్భంగా గుర్తు చేశారు. వి ఎఫ్ ఎక్స్ లో కొన్ని లోపాలు.. అది తమకు ఒక గుణపాఠం లాంటిదని మంచు విష్ణు పేర్కొన్నారు. ఈ విజయం పూర్తిగా తన తండ్రి మోహన్ బాబుకు మాత్రమే దక్కుతుందని స్పష్టం చేశారు హీరో విష్ణు. అలాగే... ఈ సినిమాలో నటించినందుకు ప్రభాస్ కు ప్రత్యేక ధన్యవాదాలు చెప్పాడు. ప్రభాస్కు జీవితాంతం రుణపడి ఉంటానని కూడా వెల్లడించాడు. తాను ఆర్థికంగా అలాగే వ్యక్తిగతంగా ఎన్నో అవమానాలు ఎదుర్కొంటున్న సమయంలో తన తండ్రి అలాగే భార్య అండగా నిలిచినట్లు గుర్తు చేశారు.

సీక్వెల్ లేదు.. ఫ్రీక్వెల్ ఆలోచన లో విష్ణు

కన్నప్ప సినిమాకు సీక్వల్ ఉండబోదని తాజాగా మంచు విష్ణు క్లారిటీ ఇచ్చారు. కానీ కన్నప్ప నాస్తికుడిగా ఉన్నప్పటి కథతో ఫ్రీక్వెల్ చేస్తే ఎలా ఉంటుంది అనే దానిపైన చర్చ జరుగుతోందని వెల్లడించారు. ఒకవేళ చేస్తే ఫ్రీక్వెల్ చేస్తామని.. వివరించారు. ఈ సినిమా ఇంకా ఏ ఓటీటీతో ఒప్పందం కుదుర్చుకోలేదని వెల్లడించారు.

twitter link

#ManchuVishnu:

"One of the leading directors of this generation has proposed a prequel to #Kannappa." pic.twitter.com/lcN6IDha0N

— Gulte (@GulteOfficial) June 28, 2025