‘మన శంకర వరప్రసాద్ గారు’ మూవీ ఎఫెక్ట్.. థియేటర్ వద్ద కన్నీళ్లు పెట్టుకున్న చిరంజీవి అభిమాని

దిశ,వెబ్‌డెస్క్: మెగాస్టార్ చిరంజీవి, స్టార్ డైరెక్టర్ అనిల్ రావిపూడి కాంబోలో తెరకెక్కిన ఫ్యామిలీ ఎంటర్టైనర్ సినిమా ‘మన శంకర వరప్రసాద్ గారు’(Mana Shankara Varaprasad Garu). ఈ సినిమా సంక్రాంతి కానుకగా ప్రపంచవ్యాప్తంగా ఇవాళ(జనవరి 12) థియేటర్లలో గ్రాండ్‌గా విడుదలైంది. ప్రస్తుతం ఈ మూవీ బాక్సాఫీస్ వద్ద పాజిటివ్ టాక్‌తో దూసుకెళ్తుంది. థియేటర్ల వద్ద చిరంజీవి అభిమానుల సంబరాలు అంబరాన్నంటాయి. వింటేజ్ మెగాస్టార్ లుక్‌తో పాటు కామెడీ టైమింగ్ అదిరిపోయిందంటూ మెగా ఫ్యాన్స్ ట్వీట్స్ చేస్తున్నారు. ఈ సంక్రాంతికి ఫ్యామిలీ ఎంటర్టైనర్ వచ్చేసిందని మెగాస్టార్ ఖాతాలో మరో హిట్ పడిందని అంటున్నారు. ఈ క్రమంలో ఓ అభిమాని ‘మన శంకర వరప్రసాద్ గారు’ సినిమా చూసి కంటతడి పెట్టుకున్నాడు. ‘‘అన్నయ్యను చాలాకాలం తర్వాత ఇలా మళ్లీ చూశాను. బాస్ ఈజ్ బ్యాక్ అంటూ’’ ఏడ్చేశాడు. ప్రజెంట్ దీనికి సంబంధించిన వీడియో సోషల్ మీడియా(Social Media)లో వైరల్ అవుతోంది.