'K-ర్యాంప్' కలెక్షన్స్ లో సరికొత్త రికార్డు..3 రోజుల్లోనే బ్రేక్ ఈవెన్
'K-ర్యాంప్' కలెక్షన్స్ మూడు రోజుల్లోనే ప్రపంచ వ్యాప్తంగా 17.5 కోట్ల గ్రాస్ వసూళ్లు
దిశ, వెబ్ డెస్క్: కిరణ్ అబ్బవరం.. ఇప్పుడు ఇండస్ట్రీలో టాక్ ఆఫ్ ద టౌన్ గా మారిపోయారు. దీపావళి వచ్చిందంటే చాలు.. అదిరిపోయే కాన్సెప్ట్ తో వచ్చి హిట్ అందుకుంటున్నాడు. గత దీపావళికి క సినిమాతో మంచి విజయాన్ని అందుకున్న కిరణ్ అబ్బవరం, ఈసారి కే-ర్యాంప్ తో ( K-Ramp) దుమ్ము లేపాడు. మొన్న 18వ తేదీన రిలీజ్ అయిన ఈ సినిమా బాక్సాఫీస్ ను కుమ్మేస్తోంది. ఈ దీపావళికి నాలుగు సినిమాలు రిలీజ్ అయినప్పటికీ, దీపావళి విన్నర్ గా మాత్రం కిరణ్ అబ్బవరం నిలిచాడని టాలీవుడ్ ఇండస్ట్రీలో టాక్ నడుస్తోంది.
ఈ సినిమా మూడు రోజుల్లోనే ప్రపంచ వ్యాప్తంగా 17.5 కోట్ల గ్రాస్ వసూళ్లు రాబట్టింది. ఈ మేరకు పోస్టర్ కూడా వదిలారు. అంటే మూడు రోజుల్లోనే బ్రేక్ ఈవెన్ సాధించిందన్నమాట. తక్కువ బడ్జెట్ తో వచ్చిన ఈ సినిమా బ్రేక్ ఈవెన్ సాధించడం చాలా గొప్ప విషయం అంటున్నారు ఇండస్ట్రీకి చెందిన ప్రముఖులు. యూత్ తో పాటు ఫ్యామిలీ ఆడియన్స్ ను ఆకట్టుకునేలా కథ ఉన్న నేపథ్యంలో జనాలు థియేటర్లకు భారీగా వెళ్తున్నారట. దీంతో కే-ర్యాంప్ ఆడుతున్న థియేటర్లన్నీ హౌస్ ఫుల్ అవుతున్నట్లు చెబుతున్నారు. ఇది ఇలా ఉండగా ఈ సినిమాలో హీరోగా కిరణ్ అబ్బవరం చేయగా యుక్తి తరేజా ( Yukti Thareja) హీరోయిన్ గా మెరిశారు. నరేష్ లాంటి ప్రముఖ నటీనటులు కూడా ఇందులో మెరిశారు.
