Jagapathi Babu: నేను ప్రతిరోజూ మిస్ కాకుండా చేసేది అదే
"నా జీవితంలో ఎప్పటికీ వదలలేనిది సిగరెట్" అని జగపతిబాబు చెప్పుకొచ్చారు.
దిశ, వెబ్ డెస్క్: జగపతిబాబు, లయ ప్రధాన పాత్రల్లో నటించిన చిత్రం 'వదలా'. వంశీ కృష్ణ అకెళ్ల దర్శకత్వంలో తెరకెక్కిన ఈ చిత్రానికి కార్తీక్ బి. కొడకండ్ల సంగీతం అందించారు. హృతిక శ్రీనివాస్, అవసరాల శ్రీనివాస్ తదితరులు కీలక పాత్రలు పోషించారు. 'చరిత చిత్ర' బ్యానర్పై తమ్మారెడ్డి భరద్వాజ, కిషోర్ నాయుడు చిరుమామిళ్ల ఈ చిత్రాన్ని నిర్మించారు. ఈ సినిమా జూలై 17న ప్రేక్షకుల ముందుకు రానుంది. ఈ నేపథ్యంలో చిత్రబృందం తాజాగా ట్రైలర్ను విడుదల చేసింది. ట్రైలర్ లాంచ్ ఈవెంట్లో జగపతిబాబు చేసిన వ్యాఖ్యలు ప్రస్తుతం వైరల్గా మారాయి.
కార్యక్రమంలో యాంకర్.. మీ జీవితంలో ఎప్పటికీ వదలలేనిది ఏదైనా ఉందా? అని ప్రశ్నించగా, జగపతిబాబు వెంటనే "సిగరెట్" అని సమాధానం ఇచ్చారు. అనంతరం ఆయన మాట్లాడుతూ.. 'వదలా' సినిమా ట్రోలింగ్కు గురయ్యే చిత్రం కాదు. ఇందులో మంచి కంటెంట్ ఉంది. కొందరు కావాలనే సినిమాలను నెగిటివ్ చేయడానికి ప్రయత్నిస్తున్నారు. అలాంటి ధోరణి సరైంది కాదు. మనమంతా పాజిటివ్గా ఉంటేనే సినిమా ఇండస్ట్రీ మరింత సాఫీగా ముందుకు సాగుతుందిని అన్నారు. ఆయన వ్యాఖ్యలు ప్రస్తుతం సోషల్ మీడియాలో చర్చనీయాంశంగా మారాయి.
